Ushbu bahsdan so'ng "Nasaf" jamoasi darvozaboni Sanjar Quvvatov o'z fikrlarini bildirib o'tdi.
"Kecha "Persepolis"ga qarshi uchrashuvda faqat g'alaba qozonish uchun maydonga tushgan edik. Afsuski o'yinda nursiz durang qayd etildi. "Persepolis" qarshiga durang uchun kelgandek o'yin ko'rsatdi. Raqiblarimiz himoyada bizga hech qanday imkoniyat qoldirmadi. "Persepolis" darvozasini ishg'ol qilish uchun bor kuchimizni ishga soldik, lekin bizga biroz omad etishmadi. Guruhdagi ikkinchi o'yinda "Al Sadd" g'alaba qozonishini "Persepolis" yaxshi bilardi. SHuning uchun ham ular bemalol vaqtni cho'zib o'ynashdi. "Al Sadd" g'alaba qozonsa "Persepolis" keyingi bosqichga yo'l olishi 100 foiz aniq edi.
Kechagi o'yindagi raqibimiz o'ziga kerakli bo'lgan natijani qayd etdi. Keyingi bahsda qanday hisobda g'alaba qozonishimizdan qatiy nazar, biz keyingi bosqichga chiqa olmaymiz. SHunday bo'lsa ham faqat g'alaba qozonish uchun, muxlislarimizni xursand qilish uchun maydonga chiqamiz. Safarda biz O'zbekiston sharafini himoya qilish uchun to'p tepamiz. OCHL musobaqasida guruhdagi raqiblarimiz ham kuchli edi, omad ham bizga kulib boqmadi. O'z uyimizda mag'lub bo'lmadik. Safarda uchralgan mag'lubiyatlar bizga pand berdi", - deydi Sanjar Quvvatov
Jahongir Sotvoldiev suhbatlashdi
Bosh sahifaga
1354