"Keksa sinora" bilan o'yindan so'ng "Real"ning joriy mavsum CHLdagi gollari soni 25taga etdi, ularning 14tasini Ronaldu urgan, 3tasida jamoadoshiga pas bergan, yana 3tasida esa assistentdan avvalgi uzatma muallifi bo'lgan. O'z jamoasining gollarida ishtirok etish bo'yicha ikkinchi o'rinni Lionel Messi egallab turibdi, u "Barselona"ning 69% golli hujumlarida qatnashgan.
Ronaldu CHLning bu mavsumida bitta gol uchun hammadan kam vaqt sarflamoqda (o'rtacha 61 daqiqa). Bu ko'rsatkich bo'yicha ikkinchi o'rin "Sevilya" forvardi Vissam Ben-Yedderga tegishli (75 daqiqa). Joriy mavsum Ronaldu Ispaniya chempionatida gol urishi uchun o'rtacha 96 daqiqa kerak bo'lyapti.
Ronaldu "Yuventus" darvozasiga 7ta zarba berdi. Portugaliyalik zarbalar soni bo'yicha taqibchilaridan ancha uzoqlashib ketgan. Ronaldu hisobida 62ta zarba bor, ikkinchi o'rin Paulo Dibalaga (33), uchinchi o'rin esa Lionel Messiga (32) tegishli.
Ronaldu "Yuventus"ga qarshi bahsda kurashlarda g'olib bo'lish (10) bo'yicha eng yaxshi futbolchi bo'ldi. Bu natija Krishtianuning joriy mavsumdagi eng yuqori ko'rsatkichi hisoblanadi. U har 90 daqiqada o'rtacha 4,5ta kurashda g'olib bo'lmoqda.
Bosh sahifaga
1884