Qita chempionatida ilk bor 24ta terma jamoa ishtirok etadi. Ushbu Osiyo Kubogiga 4 may kuni qura tashlash marosimi bo'lib o'tadi. Dubay shahridagi "Armani Hotel" mehmonxonasida 24ta jamoa guruhlarga ajratiladi.
OFK qura vaqtida jamoalarni savatchalarga ajratish tizimiga o'zgartirish kiritdi.
Oldingi qoidaga ko'ra terma jamoalar 12 aprel kuni chiqadigan FIFA reytingi bo'yicha 4ta savatchaga bo'linishi kerak edi. O'zbekiston unga ko'ra 3-savatchada bo'lardi.
Bugun chiqarilgan yangi qarorga ko'ra JCH-2018 saralashi so'nggi bosqichiga chiqqan 12ta terma jamoa 1 va 2-savatchada, qolgan 12ta jamoa 3 va 4-savatchada bo'lishi malum bo'ldi.
SHu tariqa quyidagi 12ta jamoa dastlabki 2ta savatchada bo'ladi: BAA (mezbon), Qatar, Janubiy Koreya, Yaponiya, Tailand, Saudiya Arabistoni, Avstraliya, O'zbekiston, Eron, Suriya, Iroq, Xitoy.
Quyidagi 12ta jamoa esa 3 va 4-savatchada bo'ladi: Hindiston, Livan, Iordaniya, Vetnam, Falastin, Ummon, Bahrayn, Turkmaniston, Qirg'iziston, KXDR, Filippin, Yaman.
O'zbekiston terma jamoasi 12 aprel kungi FIFA reytingiga ko'ra 2-savatchadan o'rin olishi aniq.
Bosh sahifaga
1798