Bugun Navoiyda qiziqarli bahs kechishi kutilmoqda. "Qizilqum" o'tgan turda "So'g'diyona"ni safarda mag'lub etib qaytgan bo'lsa, "Bunyodkor" o'z maydonida "Buxoro"dan ustun keldi.
Musobaqa jadvalida "Bunyodkor" 10 ochko bilan birinchi o'rinda boryapti. "Qizilqum" esa hozircha uch ochko jamg'argan va 10-o'rinni egallab turibdi.
Fakt: "Qizilqum" mavsumni ketma-ket uchta mag'lubiyat bilan boshladi. Jamoa o'z maydonida "Lokomotiv", "Qo'qon-1912" va "Nasaf"ga yutqazib qo'ydi.
Bilasizmi? "Qizilqum" uydagi bahslarda faqat bir marta to'p kirita oldi. Gol muallifi: Andrey Sidorov. Qolaversa, "Qizilqum" Superligada eng ko'p gol o'tkazib yuborgan ikkita jamoadan biri bo'lib turibdi. Yana biri - "So'g'diyona". Ikkala jamoa ham o'z darvozasidan 8ta to'p o'tkazib yubordi.
"Qizilqum" hujumchisi Elguja Grigalashvili o'tgan turda "So'g'diyona" darvozasiga uchta gol urib, Superligadagi ilk xet-trik muallifi bo'ldi.
Fakt: "Bunyodkor" hozircha mag'lub bo'lgani yo'q. Jamoa hisobida uchta g'alaba va bitta durang bor.
Bilasizmi? "Bunyodkor" oxirgi uchta o'yinni g'alaba bilan yakunladi. Mirjalol Qosimov shogirdlari uyda "Paxtakor" va "Buxoro", safarda "Neftchi"ni mag'lubiyatga uchratishdi. Bundan tashqari, "Bunyodkor" hozircha safarda gol o'tkazgani yo'q.
Bosh sahifaga
224