-Uchrashuv qiyin kechdi. “Qizilqum” yaxshi, tajribali futbolchilardan tashkil topgan. Jamoa qarshi hujumda harakat qilib, gol urish uchun yaxshi imkoniyatlarag ega bo'ldi. Oldingi chiziqda Sidorov havodagi kurashda himoyachilarimizga qiyinchilik tug'dirdi. Qolaversa, bo'lim oxirida Doniyor Usmonovning zarbasi golga aylanmay qoldi va darvoza ustuniga tegdi. Fikrimcha, shogirdlarim ikkinchi bo'lim o'rtalariga kelib o'zimiz kutgan o'yinni namoyish eta boshlashdi va o'yin oxirida gol urib, g'alabaga erishdik. Umuman bugungi o'yin durangga mos edi. Bugungi uchrashuv tarixga aylandi va biz keyingi o'yinga tayyorgarlik ko'rishimiz lozim.
-Ikkinchi bo'lim o'rtasida “Qizilqum”ning etakchi futbolchisi Grigalashvili maydonni tark etgach, mezbonlarning o'yini biroz susaydi. Jamoangiz aynan o'sha daqiqalardan tashabbusni o'z qo'liga olishni boshladi..
-Haqiqatan ham ularda birinchi bo'limda gol urish uchun imkoniyat bo'ldi. Ayniqsa, o'sha Usmonovning zarbasi golga aylanganda, hisob boshqacha ko'rinish olishi aniq edi. Qolaversa, bugun “Qizilqum”ning etakchi futbochlisi Erkin Boydullaevning maydonda yo'qligi ham baribir jamoa o'yiniga o'z tasirini o'tkazdi. Mezbonlarda o'yinni boshqara oladigan futbolchi etishmadi. Biz garchi to'p bilan muomalada ustunlik qilgan bo'lsakda, bu birinchi bo'limda samara keltirmadi.
Bosh sahifaga
185