- “Andijon” jamoasini qo'lga kiritgan g'alabasi bilan tabriklayman. Ular bugun o'zlariga ishongan holda o'ynashdi. Birinchi bo'limda futbolchilarimning ko'rsatgan o'yinini biz o'ylagandek emasdi. Baribir bu birinchi liga bo'lgani uchun ham yigitlarga tasir ko'rsatmasdan qolmaydi. “Mashal” birinchi ligaga tushirib yuborilganidan keyin ko'pchilik bizni Superligaga qaytish uchun birinchi raqamli davogar deb hisoblashyapti. Lekin ko'rib turibmizki, bu erda oson raqiblar yo'q. Bundan tashqari, maydonning holati ham bizga biroz xalaqit qildi. To'g'ri, maydon chimining sifati yomon emas. Biroq bunday holatda boshqacha futbol ko'rsatish mumkin bo'ladi. “Andijon” jamoasi o'zimiz yo'l qo'ygan xatolardan foydalanib qoldi.
Masalan, birinchi golni standart vaziyatdan keyin kiritishdi. Afsuski, raqib o'yinchisini bo'sh qoldirishdi. Ikkinchi golda esa himoyachilarimiz raqibga qarshilik ko'rsata olmadilar. Lekin andijonliklarda golga tortadigan vaziyatlar ko'p bo'lgani yo'q. To'g'ri, mening jamoamda ham imkoniyatlar etarlicha bo'ldi deya olmayman. Bunday sharoitda to'pni faqat oldinga tepish orqali o'ynash mumkin. Albatta, bu o'yindan o'zimiz uchun kerakli xulosalarni chiqaramiz.
Bosh sahifaga
204