- Biz bu o'yinga yaxshi tayyorlangandik. Uchrashuvda rejalarimizni amalga oshira oldik. Andijonlik muxlislarni esa alohida aytishni istardim. CHunki ularning olqishlab turishi bizga katta madad berdi. Futbolchilarimiz ham bunga yarasha maydonda katta ishtiyoq bilan o'ynadilar. Yigitlar g'alaba uchun bor kuchlari bilan oxirigacha kurashishdi. Uchrashuv uchun oldindan ishlab chiqqan rejalarimizni futbolchilarimiz muvaffaqiyatli tarzda bajara olishdi. Bizni qo'llab-quvvatlab turgan muxlislarga minnatdorchilik bildiraman. SHu o'rinda o'yinchilarimizga ham jonbozlik ko'rsatishgani uchun rahmat. Biz bu g'alaba orqali Andijon xalqini xursand qilganimizdan juda mamnunmiz. Har doim ishqibozlarimizni mana shunday g'alabalar bilan xursand qilish uchun harakat qilamiz.
Albatta, “Mashal” ham yaxshi jamoa. Ular o'tgan yili oliy ligada 7-o'rinni egallashgan. Raqib jiddiy bo'lishiga qaramay, shogirdlarim butun etiborini g'alaba qozonishga qaratishdi va buning uchun mehnat qildilar. Ko'rsatmalarimizni to'g'ri yo'nalishda bajara olishgani uchun ham g'alaba qozona oldik.
Bosh sahifaga
216
