Ushbu uchrashuvda durang qayd etildi -1:1. Bahsning so'nggi daqiqasida Nivaldo hakam tomonidan qizil kartochka bilan jazolandi va maydondan chetlatildi. O'sha vaziyatda tushunarsiz holat yuz berdi va Nivaldo "Qo'qon-1912" darvozaboni O'tkir Yusupovga boshi bilan zarba berdi. Bu holat yuzasidan ikkala futbolchi ham izoh berishdi.
O'tkir Yusupov
"Lokomotiv"ga g'alaba kerak edi, deb o'ylayman. SHuning uchun ham "temiryo'lchilar" jonini berib o'ynashdi. Darvozamizni ishg'ol qila olmagani uchun alam qilgan bo'lishi mumkin. Nima bo'lganini bilmayman. Nivaldo qizil kartochka olganidan so'ng futbol qoidalariga to'g'ri kelmaydigan harakatni amalga oshirdi. Nivaldoni haqorat qilganim yo'q", - deydi O'tkir Yusupov.
Nivaldo
"O'yin oxirida ko'p kurash bo'ldi. Raqib darvozaboni meni "maymun", "negr" deb haqorat qildi. Men o'zimni tutib tura olmay boshim bilan unga zarba berdim. O'zimni yo'qotib qo'ydim, buni tan olaman. To'g'ri bu futbol qoidalariga to'g'ri kelmaydigan ish. Muxlislar va "Lokomotiv"dan uzr so'rayman", - deydi Nivaldo
Jahongir Sotvoldiev yozib oldi
Bosh sahifaga
255