IlhomMo'minjonov: - Birinchi navbatda futbolchilarimizni namoyish etgan o'yinlari uchun katta rahmat aytaman. Yigitlar qo'llaridan kelganicha harakat qilib, jamoamizning yaxshi o'yinlaridan birini o'tkazishdi, deb o'ylayman. Bugun bizga omad etishmadi. Azamat Allaniyozov va Azizbek Turg'unboevlar tomonidan yo'llangan zarbalardan keyin to'p darvoza ustuni va to'siniga tegib qaytdi. Bu futbol. Maydon tekis, to'p yumaloq, deb bejizga aytishmaydi. Keyingi o'yinlarga yanada yaxshiroq tarzda tayyorgarlik ko'rishda davom etamiz. Nenad Niac hozirgi kunda o'zining optimal sport formasiga kira olmayapti. Garchi beshta tur ortda qolgan bo'lsada hujumchimiz gol ura olgani yo'q. Bugungi uchrashuvda u maydonga kichik jarohat bilan tushgandi. Uning harakatlaridan qoniqish hosil qilmadik. O'ylaymanki, keyingi uchrashuvlarda o'zini ko'rsatadi degan umiddaman. Himoya chizig'imizdan ko'nglim to'lmoqda. Bu xotirjamlikka berilishimiz uchun sabab bo'lmasada, beshta o'yinda darvozamizdan atigi ikkita to'p o'tkazib yubordik xolos. O'tgan mavsumdagi ko'rsatkichlarimiz yomonroq edi. Qanday holat bo'lishidan qatiy nazar hujumchilarimizga gol urish uchun imkoniyatlar beramiz. SHu paytga qadar urgan gollarimizni standart vaziyatlardan urganmiz. Bugun ham jarima zarbalaridan keyin raqib darvozamini nishonga olishga urinib ko'rdik. Lekin, bu borada aniqlik etishmadi. Oldinda bizni jiddiy o'yin kutib turibdi. “So'g'diyona” bilan o'tadigan uchrashuvga munosib tarzda hozirlik ko'rgan holda gollar urib yutuq bilan qaytishga harakat qilamiz.
BotiraliErgashev: - O'yin keskin kurashlarga boy tarzda o'tdi. Raqib darvozasi oldida yuzaga keltirilgan vaziyatlarda birozgina omadimiz yurishmadi deb o'ylayman. Himoyada bexato harakat qilgan bo'lsakda, hujumlarimizni samarali tarzda yakunlay olmadik.
"Navbahor" matbuot xizmati.
Bosh sahifaga
172