"Real" (Madrid) - "Atletiko" (Madrid)
8 aprel 2018 yil. Madrid, "Santyago Bernabeu"
Diskvalifiya: yo'q
Jarohatlanganlar: Nacho - SHime Vrsalko, Xose Mariya Ximenes, Filipe Luis.
Madrid derbisi - LaLiga 31-turining markaziy uchrashuvidir. Poytaxtning ikki jamoasi ham "Barselona"ni quvib eta olishmaydi. Jamoalar ikkinchi o'rin uchun kurash olib borishmoqda. Uchrashuvgacha "matraschilar" "blankos"ni 4 ochkoga ortda qoldirmoqda. Ularning ortidan "Valensiya" izma-iz taqib qilib kelmoqda. Jamoalarning yig'gan ochkolariga ahamiyat bergan bo'lsak, ular 2-o'rin uchun mavsum yakuniga qadar kurashishlari aniq.
Jamoalar principial raqib hisoblanishi hech kimga sir emas. "Real" bu raqibini ikki bora ECHL finalida mag'lub etgan. O'tgan mavsumda esa ushbu musobaqaning yarim finalida ikki o'yin hisobiga ko'ra taslim etdi. Ilk bahsda Krishtianu Ronaldu xet-trik qayd etdi. Ikkinchi uchrashuvda esa "Atletiko" 2:1 hisobidagi foydasiz g'alabaga erishdi. Tomonlarning milliy chempionatdagi ilk uchrashuvi zerikarli o'tdi va gollar urilmadi.
"Real" derbiga jangovor kayfiyatda bormoqda. Zinedin Zidan jamoasi ketma ket 6 uchrashuvda g'alaba qozondi. Ularning uchtasida yirik hisob qayd etildi. "Blankos" chempionatda "Xetafe" (3:1), "Eybar" (2:1), "Jirona" (6:3) va "Las-Palmas"ni (3:0), ECHLda esa safarda Franciyaning PSJ (2:1) hamda Italiyaning "Yuventus" (3:0) jamoalari dog'da qoldirildi.
O'z navbatida "Atletiko" ham yaxshi o'ynamoqda. Biroq ular LaLiga doirasida o'tgan so'nggi 2 safar bahslarida mag'lub bo'ldi. Oldiniga "Barselona"ga 0:1, keyinchalik "Vilyarreal"ga 1:2 hisobida imkoniyat boy berildi. Simeone jamoasi LaLiganing 30-turida Gameyroning penaltisi evaziga g'alabaga erishdi.
TAXMINIY TARKIBLAR
O'ZARO O'YINLAR
Jamoalar barcha turnirlarda o'zaro 172 bora to'qnash kelishgan. SHularning 91tasida "Real", 42tasida "Atletiko"ning qo'li baland kelgan. 39 uchrashuvda g'olib aniqlanmagan. "Real" 300 gol urib, 223ta to'p o'tkazib yuborgan. Ikki jamoaning ham eng yirik g'alabasi 5:0ga teng.
BIRINCHI DAVRADAGI O'YIN
Madrid. Stadion "Vanda Metropolitano". 66 591 tomoshabin
"Atletiko" - "Real" 0:0
"Atletiko": Oblak, Xuanfran, Savich, Godin, Lukas, Gabi, Tomas (Ferreyra-Karrasko, 54), Saul, Koke, Korrea (Gameyro, 77), Grizmann (Torres, 76)
"Real": Kasilya, Karvaxal, Ramos (Nacho, 46), Varan, Marselo, Kazemiro, Modrich, Kroos, Isko, Ronaldu, Benzema (Asensio, 76)
Ogohlantirishlar: Savich, 34, Saul, 63, Koke, 70, Xuanfran, 77, Lukas, 82, Godin, 89 - Karvaxal, 20, Nacho, 82
Bosh sahifaga
218
