Kecha “SHo'rtan” – “Xorazm” o'yini turga yakun yasab berdi.
Yangicha formatda tashkil etilgan musobaqada jamoalar 9tadan ikki guruhga ajratilgan xolda, g'oliblik uchun kurash olib bormoqda. Ochig'ini aytganda, qiziqarli kechishi kutilayotgan ushbu musobaqaning ilk tur o'yiniga ishqibozlarning tashrifi yuqori bo'lishini kutgandik. Ammo tan olish kerak, bu yil ham PRO-Liga o'yinlariga muxlislar tomonidan bo'lgan qiziqish u qadar yuqori bo'lmayapti. Buni birinchi turda stadionga tomoshabinlarning tashrifidan ham bilib olish mumkin. Raqamlar barchasini aytib turibdi.
“A” guruhida 4ta o'yinga jami 10 217 nafar ishqiboz tashrif buyurgan. Har bir uchrashuvga o'rtacha 2 554 ta muxlis demakdir.
O'yinlar qaydnomasiga nazar tashlaydigan bo'lsak, eng kam muxlis G'uzorda kechgan “SHo'rtan” – “Xorazm” bahsida kuzatilganini ko'rish mumkin. Aftidan G'uzorda ishqibozlar katta futboldan bexabar qolib ketgan yoxud haqiqatdan ham ularning futbolga bo'lgan qiziqishi pasaygan deyish mumkin.
Qoraqalpog'istonda ham futbolga qiziqish yo'qdek. Negaki, “Istiqlol”dek raqibga qarshi bahsda Nukusdagi “Turon” stadionida atiga 1280 nafar tomoshabin qadam ranjida qilgan.
Aksincha eng ko'p muxlis Andijondagi “Sog'lom avlod” stadioniga kirgan. Turning markaziy o'yini “Andijon” – “Mashal” uchrashuviga 4560 nafar ishqiboz kirgani, qaydnomada ko'rsatib o'tilgan.
Tomoshabinlar tashrifi kimda qanday?
“OROL” – “ISTIQLOL” – 1:2
Nukus shahri. “Turon” stadioni. 1280 tomoshabin.
“ANDIJON” – “MASH'AL” – 2:0
Andijon shahri. “Sog'lom avlod” stadioni. 4560 tomoshabin.
“NORIN” – “DINAMO” – 0:0.
Haqulobod shahri. “SHodlik” stadioni. 3126 tomoshabin.
“SHO'RTAN” – “XORAZM” – 5:1
G'uzor shahri. “G'uzor” stadioni. 1251 tomoshabin.
Bosh sahifaga
201