Ulug'bek Baqoev qo'l ostida goh chap qanot himoyachi, gohida esa chap qanot yarim himoyasida vinger sifatida paydo bo'ladigan Sanat SHixov "Paxtakor"ga qarshi o'yinni juda yaxshi o'tkazdi. CHap qanot himoyasida o'ynagan futbolchi bahs davomida nafaqat faolligi bilan, balki ikki bor "Buxoro"ni muqarrar gollardan saqlab qolgani bilan ajralib turdi. Aynan Sanat SHixovning ikki bor darvoza chizig'i ustidan to'pni qaytargani yakunda "Buxoro" g'alabasini taminladi.
Birinchi vaziyatda Azamovning darvoza tomon tepgan zarbasini bartaraf etgan SHixov, so'ngra darvozabon Asilbek Amonovning to'pga chiqishda yo'l qo'ygan xatosidan keyin Griffitsning darvozaga yo'llagan zarbasini ham chiziq ustidan bartaraf etishga ulgurdi. Aks holda tablodagi hisob mehmonlar foydasiga ochilishi muqarrar edi. SHu boisdan Sanat SHixov so'zsiz tur futbolchisiga aylandi.
Bosh sahifaga
120
