Bir haftda mobaynida davom etgan Side Star Cup-2018 musobaqasida 2010 hamda 2006 yillarda tavallud topgan yosh “temiryo'lchilar” juda muvaffaqiyatli tarzda qatnashishdi. 10ta davlatdan kelgan tengqurlari bilan o'tkazilgan bellashuvlar yakunlariga ko'ra, 2006 yilda tug'ilgan “Lokomotiv” futbolchilari o'z yosh toifasida musobaqa g'olibligini qo'lga kiritishdi.
Sunnat Ro'ziev boshchiligidagi 2006 yilda tug'ilgan "yosh temiryo'lchilar" 7 ta uchrashuvda maksimal - 21 ochkoni qo'lga kiritib musobaqaning eng yaxshi jamoasi deb topildi va CHempionlik kubogi boshlari uzra ko'tarishdi.
Ushbu yoshda 2-o'rin Gruziyaning “Adjariya” jamoasi tarbiyalanuvchilariga nasib etgan bo'lsa, 3-pog'onadan Suriyaning “Alosman” jamoasi yosh futbolcholari o'rin olishdi.
2010 yilda tavallud topgan futbolchilar o'rtasida esa 1-o'rinni Ashxobodning “Oltin Toj” jamoasi o'yinchilari egallashdi. Toshkentlik yosh futbolchilar 2-o'rinni olishgan bo'lsa, Rossiyaning “Lokomotiv” klubi tarbiyalanuvchilari 3-pog'onadan joy olishdi.
2010 yilda tug'ilgan bolalar ichida futbolchilarimiz xam yuqori etirof etildi. Abdulazizov Asadbek "Eng yaxshi himoyachi, SHukurov Abdulaziz "Eng yaxshi yarimhimoyachi" deb topildi
Qurbonov Ulug'bek - "Eng yaxshi xujumchi" deya etirof etildi
SHuningdek o'zidan bir yosh kattalar bilan to'p surgan 2011 yilda tug'ilgan Axmadov Kamoliddin "Musobaqa kashfiyoti" deb topildi
Takidlash joiz, mazkur musobaqada Rossiya, Turkiya, Ozarbayjon, Germaniya, Ruminiya, Qozog'iston, Gruziya, Turkmaniston, Suriya va O'zbekistondan jamoalar ishtirok etishdi.
Bosh sahifaga
215
