Bu haqda SHFA rasmiy sayti xabar berdi.
Umid Ahmadjonovning topshirig'i bilan tuzilgan yangi tizim asosida ishlaydigan boshqarma quyidagi asosiy ishlar bilan shug'ullanadi:
- Bolalar futbolida yoshi kichraytirilgan futbolchilarga qarshi kurashish.
- Malumotlar bazasini shakllantirib borish (statistika).
- O'smirlar terma jamoasi murabbiylari selekciya ishlarini olib borishlari uchun musobaqalar tashkil etish.
- Maktabgacha talim, maktab, mahallalarda futbolni ommaviylashtirish va ular o'rtasida musobaqalar uyushtirish.
Yuqoridagi asosiy ishlardan tashqari, boshqarma barcha viloyatlarda xuddi poytaxtdagidek yuqori sifatda musobaqalarni tashkil etish bilan shug'ullanadi.
Mazkur boshqarma bo'yicha yangi ishchi guruh shakllantirilyapti va u erda jam bo'ladigan xodimlar guruhi aprel oyining uchinchi dekadasida barcha viloyatlarda bo'lib, may oyining birinchi o'n kunligida hududlar geografiyasidan kelib chiqqan holda mukammal tizim ishlab chiqadi va uni amalga tadbiq etadi.
Boshqarma O'FA va Ispaniya FF o'rtasida tuzilgan memorandum asosida O'zbekistonga Evropa futboli metodikasini tadbiq etadi. SHuningdek, Samarqand, Buxoro va Xiva kabi tarixiy shaharlarda xorij klublari ishtirokida xalqaro musobaqalarni ko'paytirgan holda turizm rivojiga ham o'z hissasini qo'shadi.
Ayni paytda bolalar klublarining xorijga chiqishini ko'p kuzatyapmiz. Har doim ham istedodli futbolchi chet elga chiqa olmaydi. Bu borada O'FA qoshidagi boshqarma bosqichma-bosqich xorij klublarini yurtimizga olib kelish bo'yicha ish olib boradi. SHunda kuchli jamoalarga qarshi maydonga chiqish imkoniyati chekka-chekka qishloq vakillariga ham nasib etadi.
O'FA boshqarmasi istedodli futbolchilar Evropa skautlari nazariga tushishi uchun musobaqalar sonini ko'paytiradi va top-klublar skautlarini O'zbekistonga jalb qiladi.
Bosh sahifaga
1855