Seminarni OFKning Ligalarni rivojlantirish qo'mitasining Markaziy va Janubiy Osiyo bo'yicha oficeri Yogesh Desai va OFKning strategik rejalashtirish va marketing sohasi bo'yicha konsultanti Elnur Mamedov olib borishdi.
Ushbu seminarda Superligada ishtirok etuvchi klublarning marketing bo'yicha mutaxassislari ishtirok etishdi.
Seminar davomida klublarda marketing bo'yicha olib boriladigan chora-tadbirlar, muxlislarni stadionlarga jalb qilish, homiylar bilan ishlash, buning uchun ahamiyat qaratish kerak bo'lgan jihatlar haqida so'z yuritildi.
Jumladan, Elnur Mamedov o'tgan yili O'FA bilan hamkorlikda futbol klublari vakillari va yurtimizda faoliyat yuritayotgan yirik kompaniyalar, biznes vakillari ishtirokida o'tkazilgan seminarning xulosalari bilan yig'ilganlarni tanishtirdi.
Klublarda marketing sohasini rivojlantirishda teletranslyaciyalarning ahamiyati ham katta ekani, bu borada PFL hamda O'zbekiston milliy teleradiokompaniyasi bilan hamkorlikda katta hajmdagi ishlar amalga oshirilayotgan tahsinga sazovor ekani qayd etildi.
Seminar davomida yig'ilganlar OFK mutaxassislariga o'zlarini qiziqtirgan savollar bilan murojaat qilishdi va tegishli javoblar olishdi.
Bosh sahifaga
1855