Farg'ona shahridagi muhtasham «Istiqlol» stadionida mahalliy «Istiqlol» jamoasi Andijonning «Andijon» jamoasini qabul qiladi. Bo'lajak vodiy derbisi oldidan miting o'tkazildi. Uni O'zPFL vakili, o'yin komissari Komiljon Mirzaboev olib bordi. «Istiqlol» markaziy o'yingohining anjumanlar zalida o'tkan o'yinoldi mitingida «Istiqlol» jamoasi boshlig'i Hakimjon Fayziev, klub mamuri Kazbek Ortiqboev, matbuot kotibi Behruz Xoliqov, stadion direktori Ilhomjon Sobidov, Farg'ona viloyati IIB vakili hamda «Andijon» klubi menedjeri Islombek Rustamov, matbuot xizmati xodimi Baxtiyor Toshtemirov ishtirok etdi.
Mitingda uchrashuv komissari Komiljon Mirzaboev o'yinni yuqori saviyada o'tkazish uchun qilinishi lozim bo'lgan bir qator masalalarni aytib, masul shaxslarga topshiriqlarni berdi.
Tabiiyiki mazkur miting davomida bugun jamoalarning qanday rangli libosda maydonga tushishi ham muhokama etilib, yakunda bir to'xtamga kelindi. Unga ko'ra, mezbonlar ko'k rangli, mehmon jamoa esa oq rangli libosda xarakat qiladigan bo'ldi.
Malumki, Farg'onadagi uchrashuvga Andijondan ham mingga yaqin ishqibozlar kelishi kutilmoqda. «Istiqlol» stadioni rahbarining aytishicha, andijonlik muxlislar bugungi o'yinni bevosita 29-sektordan ko'rib borishi mumkin bo'ladi.
Eslatib o'tamiz, uchrashuv soat 17:00da boshlanadi.
Bosh sahifaga
132