Ushbu turda Toshkentning "Bunyodkor" klubi o'z uyida Bekobodning "Metallurg" jamoasiga qarshi bahs olib bordi. "Bunyodkor" bu o'yinda 3:1 hisobida raqiblaridan ustun keldi. Uchrashuv yakunlanganidan so'ng, "qaldirg'ochlar" futbolchisi SHahzod Nurmatov o'z fikrlarini bildirib o'tdi.
"Bugungi o'yin qiyin bo'ldi. Birinchi bo'limda ko'p yugurdik va biroz charchab qoldik. Birinchi bo'limda gol urishimiz uchun bir qadam etmadi. Ikkinchi bo'limda gol urishga erishdik. O'yindan oldin bosh murabbiyimiz Mirjalol Qosimov menga gol urishim kerakligini aytgandi. Bilib aytgan ekanlar. Keyingi o'yn "Navbahor" bilan safarda bo'ladi. Ushbu bahsga jiddiy tayyorgarlik ko'ramiz. Kuchli raqiblar Namanganda ochko yo'qotishmoqda. Biz uchun ushbu bahs ham qiyin bo'ladi", - deydi SHahzod Nurmatov
Jahongir Sotoldiev yozib oldi
Bosh sahifaga
1293