Mazkur uchrashuvda dubl qayd etgan Davron Isoqov uchrashuvdan so'ng qisqacha o'z fikrlarini bildirib o'tdi.
- CHempionatning ikkinchi o'yinida ham g'alaba qozonishni maqsad qilgandik. “Istiqlol” ham yaxshi jamoa. O'tgan yili bu klub ijobiy natijalar qayd etgandi. SHu bois bugungi uchrashuvga puxta tayyorgarlik ko'rilgandi. Boshida biroz qiyin bo'ldi. Ammo keyinchalik ketma-ket gollar urib, o'yin taqdirini birinchi bo'limdayoq hal qildik.Tabiiyki ikkinchi taymni biroz hotirjam tarzda o'tkazdik. Muhimi safarda uch ochkoni qo'lga kiritib, muxlislarimiz oldida yuzumizni yorug' qildik. Nasib qilsa kelgusi o'yinlarda ham g'alabalari seriyani davom ettirib, ishqibozlarimizni xursand etishga xarakat qilamiz.
- Urgan gollarimga keladigan bo'lsak, avvalo buning uchun jamoadoshlarimga rahmat aytgan bo'lardim. Ular butun o'yin davomida meni qo'llab-quvvatlab turdi. O'yindan oldin bir nima deb bo'lmaydi. Bu – futbol. Unda oldindan bir narsa deb bo'lmaydi. Omadingiz kelib qolsa, raqib sizni to'xtatishi qiyin bo'ladi. O'yin avvalida murabbiylar ishlab chiqqan taktikaga ko'ra, bitta nominal hujumchi bilan xarakat qildik. Rostini aytsam, menga u qadar qiyin bo'lmadi. Sababi yarim himoyachilarimiz o'z vaqtida meni qo'llab-quvvatlab turdi.
- Navbatdagi uchrashuvimiz O'zbekiston Kubogining 1/16 final bosqichidan o'rin olgan “Navbahor”ga qarshi kechadi. Hozirdan aytish mumkinki, bo'lajak derbi juda qiziq va jangavor tarzda o'tadi. Ushbu bahsda ham g'alaba ilinjida maydonga chiqamiz – deydi Davron Isoqov.
Bosh sahifaga
286