Bu haqda nemis matbuotining ishonchli nashri - "SportBild" elon qildi.
Manbaning yozishicha, "Bavariya" rahbariyati xorvatiyalik mutaxassis Niko Kovach bilan og'zaki kelishuvga erishgan.
Asli xorvatiyalik mutaxassis faoliyatini katta qismini aynan Germaniyada o'tkazgan. Ayni paytda "Ayntraxt" jamoasi bosh murabbiyi sanalgan Kovach yozda "Bavariya" ruliga o'tirishi deyarli hal etildi.
Niko Kovach qo'l ostida joriy mavsumda "Ayntraxt" ajoyib natijalar qayd etmoqda va jamoa Bundesligada kuchli-uchlikka kirish uchun kurash olib bormoqda.
Niko Kovach futbolchilik faoliyatini Germaniyada o'tkazgan. SHuningdek, Niko Kovach 2001-2003 yillari Ottmar Xictfeld qo'l ostida aynan myunxenliklar tarkibida o'ynagan.
Ushbu mutaxassis malum muddat (2013-2015) Xorvatiya terma jamoasi bosh murabbiyi sifatida ham ishlagan.
46 yoshli mutaxassis futbolchilik faoliyatida yarim himoya chizig'ida o'ynagan.
Eslatib o'tamiz, "Bavariya" joriy mavsumni muvaffaqiyatsiz boshlagani sababli, jamoa bosh murabbiyi sifatida ishlab kelgan Karlo Anchelotti kuzda istefo chiqarilgandi. Anchelottini nafaqadagi "Bavariya" sobiq murabbiyi, myunxenliklarning qadrli vakili Yupp Xaynkes almashtirgandi. 72 yoshli mutaxassis esa joriy mavsum yakuniga etgach yana nafaqaga qaytadi. "Bavariya" rahbariyati esa uning o'rniga Niko Kovach nomzodini maqul ko'rdi.
Bosh sahifaga
1297