Qirg'izistondagi legionerlarimiz uchun omadli hafta

Qirg'izistonning “Olg'a”klubida to'p surayotgan hamyurtlarimiz uchun 2-tur o'yinlari omadli keldi. Ilhom Komilov va Sanjar To'raqulov o'ynayotgan klub mavsumning ikkinchi uchrashuvida “Qora-Bolta”ni qabul qilib, yirik 5:1 hisobida g'alaba qozondi. Har ikkala hamyurtimiz ham bellashuvni asosiy tarkibda boshladi va 90 daqiqa harakat qildi. “Olg'a”ning ikkinchi goliga Sanjar To'raqulov mualliflik qildi. Yarim himoyachi penaltidan unumli foydalanib, jamoasini hisobda oldinga olib chiqdi. Yakunda maydon egalari raqib darvozasini yana uch bor ishg'ol qilishdi.