Milliy terma jamoa 27 avgustda yig'in boshlaydi

Yig'in davomida murabbiylar shtabi futbolchilarning jismoniy tayyorgarligini oshirish va jamoaning texnik va taktik xarakatlarini takomillashtirishga bag'ishlangan nazariy va jismoniy mashg'ulotlarga etiborni kuchaytiradi.

Avval xabar berib o'tilganidek, 30 nafar futbolchining barchasi 27 avgustdan yig'inga kirish imkoniyati ega bo'lmaydi. Legionerlar FIFA reglamentiga muvofiq, klublarning ruxsati bilan Yaman bilan o'yinga 5 kun qolgandagina terma jamoa ixtiyoriga uchib ketish huquqiga ega bo'ladi.

Milliy terma jamoaning Yamanga qarshi uchrashuvi 3 sentyabr kuni soat 19:00 da Toshkentdagi markaziy “Paxtakor” stadionida bo'lib o'tadi.

3 sentyabr kuni, shuningdek, “N” guruhining ikkinchi uchrashuvi Manamada Bahrayn va guruh peshqadami SHimoliy Koreya o'rtasida o'tkaziladi. Uchrashuv Toshkent vaqti bilan 18:40 da boshlanadi.

5 ta jamoa o'ynaydigan “N” guruhida 3-turda Filippin terma jamoasi dam oladi. SHu kuni Filippinlik futbolchilar Maldiv orollari bilan o'rtoqlik uchrashuvi o'tkazadi. O'yin Toshkent vaqti bilan soat 22:00da “Rizal Memorial” stadionida bo'lib o'tadi.

O'zbekiston terma jamoasi Yamanga qarshi o'yindan keyin 6 sentyabrgacha Toshkentda shug'ullanadi. 6 sentyabr kuni ertalab terma jamoa delegaciyasi charter reys bilan Manilaga uchib ketadi. O'zbekiston terma jamoasining Filippinga qarshi uchrashuvi esa 8 sentyabrda Toshkent vaqti bilan 20:00 da Bokayu Sitida boshlanadi.

3-tur oldidan “N” saralash guruhida SHimoliy Koreya va Filippin 2 ta o'yindan keyin 6 ochko bilan peshqadamlik qilmoqda. Keyingi o'rinlarni egallab turgan Bahrayn, O'zbekiston va Yaman terma jamoalarida esa hozircha ochko yo'q.