Rodolfa Arrauabarrena: - Biz ertaga “Nasaf” jamoasi bilan ikkinchi o'zaro uchrashuvda maydonga tushamiz. Raqibimizning qanday kuchga ega ekanligini yaxshi bilamiz. SHubhasiz, raqibimiz ertaga ham uch ochko uchun o'ynaydi. Ammo biz ham ertaga o'zimizning dastlabki uch ochkomizni qo'lga kiritish uchun maydonga tushamiz.
Biz keyingi vaqtlarda boshqa jamolarga nisbatan ko'proq o'yinlar o'tkazayapmiz. Bu orqali albatta futbolchilarimizda toliqish bo'ladi. SHuningdek tarkibimizda yo'qotishlar ham bor. Ertaga bizga yarim himoyachimiz Humaid Abbos jarohati tufayli yordam bera olmaydi. Qolgan futbolchilarimiz o'yinga tayyor. Biz bu yilgi OCHL musobaqasida kerakli natijaga erisha olmadik. CHunki, jamoamizda boshqa amirlik klublarida bo'lgani kabi kuchli futbolchilar kam. CHempionat yakunlanishiga ham oz fursat qolmoqda. Oldimizda “Xatta" jamoasi bilan muhim uchrashuv ham kutib turibdi. Endi bor etiborimiz bahga qaratilgan. Bu uchrashuvga ham kuchimizni tejashga majburmiz. Uchrashuvda g'alaba qozonib, uchinchi o'rinni egallashimiz zarur. Bu bilan biz kelasi yilgi OCHL yo'llanmasini ham qo'lga kiritish niyatidamiz.
Abdulla Al Naqbi: - OCHL musobaqasidagi bu yilgi ishtirokimiz bizning yosh futbolchilarimiz uchun katta tajriba maktabi bo'ldi. O'tgan besh uchrashuvda ham kerakli natijaga erisha olmadik. CHunki biz guruhda Osiyoning eng kuchli klublari bilan birga kurashdik. Biz uchun ertaga bo'ladigan o'yin misli finaldek bo'ladi. CHunki, bizda ertaga ochko ishlash uchun so'nggi imkoniyat bor. SHu maqsadda ertaga maydonga tushamiz.
Bosh sahifaga
162
