«Dastlabki turdagi Haqquloboddagi “Norin” bilan bahsdan keyin taqvimga ko'ra, “Dinamo” jamoasi 2-turda dam olgani bois jamoamiz malum muddat o'yin amaliyotisiz qolgani bugungi bahsda tasirini o'tkazmay qolmadi. “Dinamo” Pro-Ligada bo'lgani kabi kubok bahslarida ham faqat g'alabani ko'zlab maydonga tushadi. Kubok o'yinlari “Dinamo” uchun yaxshi imkoniyat - Superliga klublariga qarshi maydonga tushib, o'z kuchimizga bo'lgan ishonchni ko'rsatishimiz, sinashimiz mumkin. Bu katta tajriba bo'ladi. O'tgan 2017 yilgi mavsumda “Dinamo” yarimfinalga qadar etib kelgandi. Bu safar ham O'zbekiston Kubogida yaxshi natija qayd etishni maqsad qilganmiz.
O'yin davomida mezbon jamoa sanalmish “Xotira-79” klubi bizga jiddiy qarshilik ko'rsatdi. Ikki jamoa uchun ham og'ir kechgan bahsda O'zbekiston Kubogi nimchorak final bosqichiga yo'llanma olganimizdan xursandmiz. Yigitlarimizga o'yin oxirigacha kurash olib borganliklari uchun minnatdorchilik bildiraman.
Bugungi bahsda jamoamiz sardori Ilhom Yunusovning ikkinchi bo'lim boshida jarohat olgani sababli o'yinimizdagi rejalarimiz o'zgardi. SHu bois o'yin qo'shimcha daqiqalargacha davom etdi va eng asosiysi g'alabaga erishdik. Samarqandga qaytgach, Ilhom Yunusov tibbiy ko'rikdan o'tadi va uning jarohati qay darajada ekanligi malum bo'ladi» – dedi Uchqun Qobilov.
Usmon IBODOV yozib oldi.
Uchqun Qobilov: “Dinamo” kubok bahslarida faqat g'alabani ko'zlab maydonga tushadi"
/ Kiritdi: BestMaster O'qilgan: 350
Bosh sahifaga
229