Eldor Sakaev (“Andijon” jamoasi bosh murabbiyi): - “Vodiy derbisi” o'yinlari jamoalar qaysi ligada ishtirok etishlari va bahs qanday musobaqaga taalluqli bo'lishidan qatiy nazar, doimo jangovar ruhda o'tgan. Bunday uchrashuvlarda o'zim ham ko'p marotaba ishtirok etganman. Bugungi o'yin ham bundan mustasno bo'lmadi hamda kurashlarga boy tarzda o'tdi.
“Navbahor” yaxshi jamoa va hujumkor o'yin namoyish etadi.
Futbol shunday sport turiki, unda yuzaga kelgan barcha vaziyatlardan foydalanib bo'lmaydi. Aks holda, uchrashuv hisobi boshqacha tus olishi ham mumkin edi. Ammo bugun bizning omadimiz kelib, g'alaba qozonishga muvaffaq bo'ldik.
Jamoamizning joriy mavsumda va “Navbahor”ga qarshi kechgan bahsda o'z darvozasidan to'p o'tkazib yubormaganligida, faqatgina darvozabon va himoyachilarning emas, balki butun jamoaning munosib hissasi bor.
O'z o'rnida takidlash joizki, darvozabonimiz Akmal Ortiqov va himoyachimiz Ibrohim Otaxonov Oliy ligada o'ynashgan va katta tajribaga egalar. Demak, bu borada ularning hissalarini ham takidlash joiz.
Akmal Ortiqov (“Andijon” jamoasi darvozaboni): - “Vodiy derbisi” o'yinlariga ortiqcha tarif berishning hojati yo'q. Biz mazkur uchrashuvga astoydil tayyorgarlik ko'rgandik. Bu esa o'z mevasini berib, bugungi bahsda zafar quchib, muxlislarni xursand etdik.
“Navbahor” PFK matbuot xizmati.
Bosh sahifaga
159