O'zbekiston Respublikasi Prezidentining 2018 yil 16 martdagi “Futbolni rivojlantirish chora - tadbirlari to'g'risida” gi PQ-3610 sonli qarori ijrosini taminlash maqsadida, O'zbekiston Milliy Olimpiya qo'mitasi, O'zbekiston futbol associaciyasi tomonidan “Navbahor” jamoasining fidoiy, ashaddiy futbol muxlislariga bo'lgan cheksiz hurmati va etibori sababli 22 (yigirma ikki) ming dona futbolkalar taqdim etildi.
20 aprel kuni soat 18:00 da Namangan shahridagi “Markaziy” o'yingohda Superliga 7-turidan o'rin olgan “Navbahor” - “Bunyodkor” jamoalari o'rtasida bo'lib o'tadigan uchrashuvga tashrif buyurgan har bir jonkuyar futbol muxlislarga mazkur futbolkalarni bepul tarqatish rejalashtirildi.
“Bunyodkor” klubiga qarshi kechadigan o'yindan oldin elimiz suygan, viloyatimizning taniqli estrada xonandalari ishtirokida shou koncert dasturi ham namoyish etiladi. Mazkur uchrashuvga, biz uchun qadrli va aziz bo'lgan “Navbahor” jamoamizni qo'llab-quvvatlashga barcha fidoiy muxlislarimizni “Markaziy” o'yingohga chorlab qolamiz.
Bosh sahifaga
313