Seminarning ikkinchi kunida matbuot kotiblar bevosita “Krasnodar” hamda Tulaning “Arsenal” klublari o'rtasidagi Premer-liga uchrashuvini bevosita stadiondan tomosha qilishdi va ushbu uchrashuvda “Krasnodar” klubi tomonidan tashkil etilgan barcha media jarayonlarni o'rganishdi, mazkur jarayonlarda bevosita ishtirok etishdi. Ushbu uchrashuvda klub matbuot xizmati tomonidan amalda qo'llanilgan ishlar bo'yicha katta tajriba orttirildi.
Takidlash lozim, uchrashuv davomida barcha turdagi OAV uchun klub tomonidan katta sharoitlar yaratilgan va barcha tashkiliy ishlar, media jarayonlar yuqori saviyada tashkil etilgan. Bu kabi uchrashuvlar va seminarlar orqali klub matbuot kotiblari o'z tajriba va malakalarini orttirishlari, tajribalarini chempionat uchrashuvlarida amalda qo'llashlari mumkin.
Ushbu seminar davomida “Krasnodar” futbol klubi masullari keyinchalik ham bu kabi seminar va uchrashuvlar tashkil etish maqsadida O'zPFL bilan hamkorlik qilishga tayyor ekanini bildirishdi.
Bosh sahifaga
2082