Xorazm viloyati. “FMI-1” jamoasi bolalar ligasi g'olibi

Deyarli etti oy davom etgan musobaqada vohaning  2001-2002  yillarda tug'ilgan yosh “charm to'p” ustalaridan iborat bo'lgan o'n olti jamoa qatnashdi.

O'yinlar avvaliga ikki guruhda olib borildi. O'z navbatida guruhlarda yaxshi ko'rsatkichga ega bo'lgan to'rttadan, jami sakkizta jamoa chorak  final juftligini hosil qildi. Ushbu juftlik g'oliblari yarim finalda o'zaro bahs yuritdi. Jumladan, “FMI-2” va  “2-son BO'SM” jamoalari o'rtasidagi uchrashuvning asosiy vaqtida durang natija qayd qilindi, 1:1. Penaltidan to'p tepish borasida omad “FMI-2”  vakillariga kulib boqdi, 4:3. Ikkinchi yarim finalda “FMI-1” jamoasi “Urganch OZK” ustidan 4:3 hisobida zafar quchdi.

SHunday qilib, finalda Urganch shahrida faoliyat yuritayotgan 5-son futbolga ixtisoslashgan maktab-internati(direktori SHerzod Ibodullaev)ning ikkita jamoasi -“FMI-1” va jamoalari o'zaro ro'para kelishdi. Bellashuvning birinchi qismida hisob ochilmadi. Biroq, ikkinchi bo'limda Abror Qilichev ustozlik qilayotgan “FMI-1” jamoasi raqiblari darvozasiga javobsiz to'rtta to'p yo'llab, 2015 yilgi Xorazm viloyati bolalar ligasi chempionligini qo'lga kiritdi. “FMI-2” ikkinchi, “Urganch OZK” va “2-son BO'SM” jamoalari uchinchi o'ringa loyiq ko'rildi.

- Joriy yil maktab-internatimiz tarbiyalanuvchilari uchun omadli keldi, - deydi 5-son futbolga ixtisoslashgan maktab-internati direktorining sport ishlari bo'yicha o'rinbosari Azamat Jabborov. – Binobarin, jamoalarimiz nafaqat viloyatda, umuman, respublika miqyosida o'tkazilgan ko'plab birinchiliklarda muvaffaqiyatli ishtirok etishdi. Bu galgisi, yangi yil bayrami arafasida yosh futbolchilarimiz uchun o'ziga xos sovg'a bo'ldi. Bundan juda xursandmiz.

Ikrom XUDOYBERGANOV