Malayziya kubogi-2015 finaliga tashrif. FOTO+VIDEO

Final uchrashuvida Kuala-Lumpurning “Selangor” hamda Kedah shahrining “Kedah” jamoalari kuch sinashishdi.

Etiborlisi, hal qiluvchi bahs ishtirokchilari ikki xil liga vakillari edi. 2015 yilgi mavsumni Malayziya super ligasida (oliy liga) 3-o'rinda yakunlagan “Selangor” premer-ligada (birinchi liga) g'olib chiqqan “Kedah” bilan bellashdi.

Uchrashuv Malayziya mamlakatida kattaligi bo'yicha ikkinchi o'rinda turuvchi, 80 ming muxlisni o'z bag'riga sig'dira oladigan “SHoh Alam” stadionida bo'lib o'tdi. Qayd etish kerakki, bu arena “Selangor” klubining uy stadioni hisoblanadi. Lekin final uchrashuvida har ikkala jamoa muxlislari mutlaqo teng bo'lishdi - 50/50.
Quyidagi fotosuratlar va videolavhani tomosha qilib, 2015 yilgi Malayziya kubogi final uchrashuvi tashkilotchiligiga guvoh bo'ling.

Bahodir Mirzaev
Kuala-Lumpur shahridan maxsus

VIDEOni saytimizning maxsus bo'limi orqali ham tomosha qilish mumkin.

Quyida fotogalereyani tomosha qiling.

Malayziyadagi “SHoh Alam” stadionining bosh darvozasiga final ishtirokchilari - “Selangor” va “Kedah” jamoalari qarama-qarshiligini ifodalovchi mana shunday ulkan banner ilingan edi.

Uchrashuv boshlanishidan 4 soat ilgari “SHoh Alam” atrofidagi do'konchalardan tahminan 7 AQSH dollariga futbolka sotib olib, stadion darvozalari ochilishini kutayotgan muxlislar.

“Kedah” jamoasi muxlislari o'yindan oldin yasama kubokni ko'tarib olishib, o'yindan keyin buni haqiqiysiga aylantirishmoqchi edi.

Stadiongacha birga kelgan to'rt do'st, ichkariga kirgach alohida-alohida sektorlarga bo'linishdi.

Stadion tribunalari ostida mana bunday shirin sendvichlarni istemol qilib olish mumkin.

“Selangor” jamoasi muxlislari joylashgan sektor.

Bu esa Kuala-Lumpurdan taxminan 500 km uzoqlikdan tashrif buyurgan “Kedah” jamoasi muxlislari.

Kaminaning finalda ishtirok etish uchun olgan akkreditaciyasi.

O'yindan taxminan 3 soatcha avval media tribunaga 400 metr radiusni qamrab olgan vay-fay router o'rnatilayotgan payt.

“SHoh Alam” media tribunasida ish qizg'in.

Media tribunada jurnalistlar uchun maxsus eguliklar ham mavjud.

O'yindan avval muxlislarni zeriktirmaslik uchun maxsus shoular uyushtirildi.

Final uchun tayyorlangan 36 sahifalik “programka”.

Aytgancha, fotomuxbirlar maydonga tushishdan avval Malayziya futbol associaciyasi matbuot xizmati xodimidan maxsus “jiletka” olishgach, o'z akkreditaciyasini unga topshirishadi.

O'yinoldi chigalyozdi mashg'ulotlarini o'tkazish uchun maydonga chiqib kelgan “Kedah” jamoasi futbolchilari uzoq yo'lga qaramay Kuala-Lumpurga etib kelgan muxlislariga minnatdorchilik izhor qilishdi.

Bu esa Kuala-Lumpur shahri sharafini himoya qiluvchi “Selangor” jamoasi muxlislari.

G'oliblarni taqdirlash uchun tayyorlangan maxsus “podium”.

Kubok topshirilgach stadion osmoni uzra mushakbozlikning keti uzilmadi.

Fotomuxbirlar o'yindan keyin maxsus “jiletka”larni topshirishgach, o'z beyjiklarini qaytarib olishayotgan holat.

“SHoh Alam” stadionining matbuot anjumanlari zali. “Selangor” ustozi OAV xodimlari savollariga javob qaytarmoqda.

OAV vakillari va muxlislar o'yindan keyin jamoalar vakillari bilan suhbatlashib olishlari mumkin bo'lgan “miks zona”.

Kubok g'oliblari taqdirlangan “podium”da esdalik uchun surat.

“Selangor” jamoasiga befarq bo'lmaganlar aynan mana shu erda fotosessiya uyushtirishlari mumkin.

Taxminan 500 km uzoqlikdagi yo'lni bosib kelgan “Kedah” jamoasining yosh muxlisi stadion atrofidagi tamaddixonalarning birida uxlab qolgan payt.