Ko'rsatuvda PFL bosh direktor maslahatchisi Diyor Imomxo'jaev "Buxoro" klubiga solingan jarima borasida tushuntirish berib o'tdi.
"Buxoro" klubiga 300 million jarima solinganidan xabaringiz bor. Stadionda muxlislar haqorat qilishmasin deb taqiq qo'ya olmaymiz, hamma baqirishi mumkin. Lekin ommaviy ravishda bir inson yoki klubni haqorat qilib hayqirish umuman noto'g'ri. O'zini xalq deb bilgan odamlar ommaga ergashmaydi. PFL va O'FAga bu pullar umuman kerak emas. Klublardan olinadigan jarimalar bitta joyda turadi va hech qachon PFL yoki O'FA uchun ishlatilmaydi.
Keyingi yillardan boshlab Superliganing har bir stadioni atrofida ko'ngilochar bog'lar tashkil etiladi. "Buxoro" klubi to'laydigan 300 million so'm jarimani aynan mana shu bog' tashkil etish uchun "Buxoro" stadionining o'ziga sarflashimiz mumkin. Yoki ikkinchi variant ham bor. Agar muxlislar chindan ham o'z ayblarini tushunib, bu narsani boshqa takrorlashmasa Superliganing birinchi bosqichi tugagach 300 million so'm "Buxoro"ning o'ziga qaytarib beriladi. Barchasi muxlislarning o'zlariga bog'liq. PFL yoki O'FAning maqsadi klublarni sindirish emas", - deydi PFL bosh direktori maslahatchisi Diyor Imomxo'jaev.
Bosh sahifaga
206
