10. JAMOL LASKELLES
Jamoasi: "Nyukasl"
Poziciyasi: himoyachi
Bu mavsum ligadagi natijalari: 28 o'yin, 3 gol
"Nyukasl" sardori jamoaning natijalarida katta tasir o'tkazmoqda. U hujumlarning asosiy qismini qaytarishni uddalab, to'pni olib qo'yishda ham faol bo'lmoqda.
SHuningdek, jismoniy jihatdan ham anchagina baquvvat. 24 yoshli angliyalik futbolchi "Yunayted" himoyasida yaxshi o'yin ko'rsata olishi va muammolarni yopib keta olishi mumkin. CHunki u jamoasining MYUga qarshi uchrashuvida ham chiroyli o'yin namoyish etdi va g'alabada katta hissa qo'shdi.
"CHelsi" "Nyukasl" sardorini sotib olishi mumkin
9. UILFRID ZAXA
Jamoasi: "Kristal Pelas"
Poziciyasi: yarim himoyachi
Bu mavsum ligadagi natijalari: 25 o'yin, 7 gol
"Yunayted"ning chap qanot yarim himoyasida raqobat juda katta. Markus Reshford, Antoni Marsyal, Aleksis Sanches, Xuan Mata aynan shu poziciyada to'p suradi.
Uilfrid Zaxa - "Manchester Yunayted"ning oltin tarbiyalanuvchilaridan biri va eng katta xatosi. Yani, uni sotib yuborib, xato qilishgan. U chap qanotda juda faol o'ynaydi, jarima maydonchasi ichiga yorib kira oladi va gollar urishni ham uddalaydi.
Zaxa "Yunayted" tarkibida 2tagina uchrashuvda maydonga tushgan. Biroq jamoaning asosiy futbolchisi bo'lib keta olmadi. Avvaliga "Kardiff" keyinchalik "Kristal Pelas" tarkibida ijarada o'ynadi. 2015 yilning qishida esa London jamoasi uni sotib oldi.
"Tottenxem" Zaa uchun 70 million dollar bermoqchi
Agarda Zaxa "Yunayted"ga qaytadigan bo'lsa, u bir necha futbolchilarni zaxiraga o'tkazib qo'ya oladi.
8. TOMAS MENE
Jamoasi: PSJ
Poziciyasi: himoyachi
Bu mavsum ligadagi natijalari: 19 o'yin, 4 gol
26 yoshli belgiyalik futbolchi Antonio Valensiyaning o'rnida o'ynay olishi mumkin. "Yunayted" sardori 32 yoshni qarshi olgan bo'lsa-da, hali ham jismoniy tomondan anchagina etuk. Biroq ekvadorlikning o'rnida o'ynashi mumkin bo'lgan o'rinbosar topib qo'yish kerak.
Mene - Valensiyaning o'rinbosari bo'lishi mumkin. U PSJ tarkibida yaxshi o'ynamoqda. SHuningdek, hujumlarda ham faol qatnashadi. Ligada 4 gol urishga ham erishdi. Agarda PSJ moliyaviy feyr-pley sababli jamoadagilarni sotadigan bo'lsa, "Yunayted" Meneni sotib olishi kerak.
"Yuventus" PSJ himoyachisiga davogarlik qilmoqda
7. JAN MISHEL SERI
Jamoasi: "Nicca"
Poziciyasi: yarim himoyachi
Bu mavsum ligadagi natijalari: 26 o'yin, 1 gol
Seri yozda grand jamoaga ko'chib o'tishi mumkin edi, biroq "Barselona" 26 yoshli futbolchining transferidan voz kechdi.
Ivuarlik yarim himoyachi "Nicca"da qoldi. U gol urmaydi, qora ishlarni bajaradi. Seri - "Nicca"ning hujumlarida katta rol o'ynaydi. SHuningdek, qarshi hujumlarga tezkorlik bilan o'tadi. Raqib jarima maydonchasi ichida kam xato qiladi va sheriklarini yaxshi vaziyatga chiqarib yuboradi. SHu boisdan "Barselona" uni o'z safida ko'rishga intilgandi.
"Barselona" o'zining bir transfer maqsadidan voz kechdi
Seri Pogba va Matichning yonida yaxshi sherik va Maykl Kerrikning o'rinbosari bo'la oladi.
6. VILLIAN
Jamoasi: "CHelsi"
Poziciyasi: yarim himoyachi
Bu mavsum ligadagi natijalari: 32 o'yin, 6 gol
Braziliyalik futbolchining MYUga o'tishi borasidagi mish-mishlar yana ko'paydi. Joze Mourino uni yaxshi ko'radi.
29 yoshli futbolchi qarshi hujumlarga tezkorlik bilan o'tadi. Albatta, uning o'yinlarini qandayligini ko'pchilik biladi. Yodingizda bo'lsa, u "Old Trafford"da MYU darvozasini ishg'ol etgandi. SHuningdek, uchrashuv davomida o'zining xatti-harakatlari bilan "CHelsi" etakchisi ekanligini ko'rsatgandi. U vaziyatlardan foydalanishda hujumchilardan qolishmaydi.
"Manchester Yunayted" Villianga qiziqish bildirmoqda
U bu mavsum APLning 32 uchrashuvida maydonga tushdi va 57 bora jamoadoshlariga xavfli vaziyat yaratib berdi. Bu esa eng yaxshi natijadir.
5. SERGEY MILINKOVICH-SAVICH
Jamoasi: "Lacio"
Poziciyasi: yarim himoyachi
Bu mavsum ligadagi natijalari: 29 o'yin, 9 gol
Kelib chiqishi Ispaniya bo'lgan serbiyalik futbolchi bu mavsumda porladi. Uning o'yinlari orqali "Lacio" ham chiroyli o'ynamoqda. Har doim yaxshi poziciya tanlaydi, paslari aniq, zarbasi kuchli.
Uning jismoniy holati ham anchagina yaxshi. Sergey to'pni o'zida ushlab tura oladi. 23 yoshli futbolchi A seriyada 29 uchrashuvda qatnashgan bo'lsa, shularda 42 bora sheriklarini xavfli vaziyatga chiqarib yubordi.
MYU Milinkovich-Savichga 80 million funt to'lashga tayyor
U shuningdek, havodan ham yaxshi o'ynaydi. SHuningdek, Mourinoning uslubiga mos tushishi mumkin. Biroq Rim jamoasi uning uchun katta mablag' so'ramoqda. Ko'ramiz, voqealar rivoji qanday tus olarkin...
4. FABINO
Jamoasi: "Monako"
Poziciyasi: yarim himoyachi
Bu mavsum ligadagi natijalari: 30 o'yin, 6 gol
Fabino uzoq vaqt davomida MYUning nishonida bo'lib turdi, biroq keyinchalik undan voz kechilgan ko'rinadi, bu borada xabarlar chiqmadi.
Fabino 1-Diviziondagi paslarining 87 foizi aniq etib borgan va bu eng yaxshi natijadir. 24 yoshli futbolchi raqiblarining 47 foiz hujumini ham qaytarishga erishgan. Havodagi kurashlarning 66 foizida raqibidan ustun bo'lgan.
"Monako" futbolchisi PSJga o'tishga yaqin
Albatta, bunday tipdagi futbolchilar "Manchester Yunayted"ga juda ham kerak.
3. IVAN RAKITICH
Jamoasi: "Barselona"
Poziciyasi: yarim himoyachi
Bu mavsum ligadagi natijalari: 30 o'yin, 1 gol
"Manchester Yunayted" "Real" futbolchisi Toni Kroos bilan shartnoma imzolashni istamoqda. Biroq "Real" "Yunayted"ning ishonchli posboni David De Xeani istamoqda. SHu boisdan ham transferning amalga oshishi imkoniyatlari juda past
Endi "Yunayted" rahbariyati boshqa yarim himoyachi izlasa ham bo'ladi. Misol uchun 30 yoshli Ivan Rakitich "Barselona" tarkibida kuchli o'yin namoyish etmoqda. Himoya va hujumga ham ulguradi, uzoq masofalarga yaxshi paslar bera oladi. U hujumga katta etibor beradigan futbolchi. Matich esa himoyaga moslashgan.
Manchesterning ikki grandi Ivan Rakitich uchun kurashadi
Agarda Rakitich va Matich birga "Yunayted" tarkibida o'ynasa, himoya va hujumdagi ishlar bir meyorda bo'lardi.
2. TOBI ALDERVEYRLD
Jamoasi: "Tottenxem"
Poziciyasi: himoyachi
Bu mavsum ligadagi natijalari: 11 o'yin
29 yoshli futbolchi Evropaning eng yaxshi markaziy himoyachilaridan biri. Uning jarohat olganidan xabaringiz bor, shu boisdan kam o'yinla qatnashdi. Ammo, u "shporlar"ning g'alabalarida katta hissa qo'shgan. Ham jismoniy, ham ruhiy tomonlama juda kuchli. Bunday himoyachilar "Yunayted"ga kerak albatta. To'g'ri, MYUning himoyasi yaxshi o'ynaydi. Biroq belgiyalik futbolchi bilan jamoaning o'yini yanada mukammallashardi.
“Manchester Yunayted” yozda Tobi Alderveyreldni sotib oladi
Ammo, "Tottenxem" ham uni osonlikcha qo'yib yubormaydi.
1. SAMYUEL UMTITI
Jamoasi: "Barselona"
Poziciyasi: himoyachi
Bu mavsum ligadagi natijalari: 23 o'yin, 1 gol
Umtiti "Barselona"da portlab chiqdi. Bu mavsumda jamoaning asosiy futbolchisiga aylandi. Puyolga o'rinbosar ekanligini isbotlamoqda. SHuningdek, uning o'yini ham barchaga manzur bo'lmoqda.
"Yunayted"ga kuchli futbolchilar kerak, juda ham. Mourino himoyaviy o'yin uslubini hush ko'rishi barchaga ayon. SHu boisdan Umtiti portugaliyalikning o'yin uslubiga mos tushishi mumkin.
Uning 91 foiz paslari aniq bormoqda, shuningdek, havodagi kurashlarning 58 foizida raqibdan ustunroq bo'lgan. "Yunayted"ning qarib borayotgan himoyasiga 24 yoshli Umtiti munosib o'rinbosar bo'lishi aniq.
Fergyusonning "Roma" - "Barselona" uchrashuviga borgani sababi malum bo'ldi
Har holda uning o'yinini buyuk Ser Aleks kuzatishga bordi-ku.
Mirjalol Normatov tarjimasi
Bosh sahifaga
303