Quraga ko'ra, Termizning “Surxon” jamoasi keyingi bosqichni ham safarda o'tkazadigan bo'ldi. Dilshod Nuraliev boshqaruvidagi jamoa 1/8 bosqichida Muborakning “Mashal” jamoasi mehmoni bo'ladi. Xo'sh, bu borada “Surxon”ning tajribali hujumchisi Bahriddin Vahobov qanday fikrda?
- Ertaga chempionat doirasidan o'rin olgan “Orol”ga qarshi o'yinimiz bor (suhbat 19 aprel kuni bo'lib o'tdi - mulallif). Bugun ertalab Nukus shahriga etib keldik – deya gap boshladi Vahobov. Kecha yo'lda bo'lganimiz sababli qura tashlash marosimini TV orqali jonli efirda ko'ra olmadik. Lekin internet orqali Kubokdagi keyingi raqibimizning kim ekanligini bilib oldik.
- Bilasizmi “Surxon” O'zbekiston Kubogining 1/16 bosqichini ham safarda o'tkazdi. SHu bois keyingi bosqichni o'z maydonimizda o'tkazishni kutgandik. Ammo yana safarda o'ynaydigan bo'ldik. O'z uyimizda Superliga klubi bilan o'ynasak, ishqibozlarimiz ko'z o'ngida boshqacha o'yin bo'lardi, nazarimda.
- “Mashal” haqida nima deyishim mumkin. Yaxshi jamoa. O'z uyida osonlikcha ochko ulashib yubormaydi. Lekin “Surxon” ham safardan ijobiy natija bilan qaytishga urinadi. Keyingi bosqichga chiqish imkoniyatini 50x50 baholagan bo'lardim.
- Kubokdagi maqsadimiz imkon qadar uzoqroqqa borishdir. Qolganini vaqt ko'rsatadi.
- CHempionatning birinchi o'yinida “SHo'rtan” bilan o'z maydonimizda nursiz durang qayd etib qo'ydik. To'g'risi, shu kuni biroz hayajon bosdi. Ishqibozlarimiz qarshisida faqat va faqat g'alaba qozonish shartligini yigitlar haddan ziyod o'ziga ovordi. Bosim kuchayib ketdi. Keyinchalik hammasi iziga tushib ketadi degan umiddaman - deydi Bahriddin Vahobov.
Bosh sahifaga
222
