Pro-liganing debyutanti “Iftixor” O'zbekiston Kubogining nimchorak finalida Superliga vakili Toshkentning “Paxtakor” jamoasini qabul qiladi. Farg'ona viloyati, Oltiariq tumanida kechadigan bo'lajak uchrashuv oldidan mezbonlarning etakchisi Hasanboy Ergashev o'z fikrlarini bildirib o'tdi.
- Ertaga chempionat doirasida safarda “G'ijduvon”ga qarshi o'yinimiz bor. SHuning uchun kecha yo'lda bo'lib, TV orqali qura marosimini ko'ra olmadik. Keyinchalik Kubokdagi navbatdagi raqibimiz haqida xabar topdik. Endi nimchorak finalda, mamlakatimizning bayroqdor klubi – “Paxtakor”ga qarshi maydonga chiqamiz. Mazkur bosqich o'yini ham bitta bahsdan iborat bo'lishini inobatga olib aytadigan bo'lsak, o'z uyimizdagi uchrashuvni ijobiy tomonga hal qilsak bo'ladi. Yaxshi bilasiz, vodiydagi o'yinlarda mehmon jamoaga oson bo'lmaydi. Muxlislarning bosimi ham katta o'rin tutadi. SHu bois hozirdan bemalol aytishim mumkinki, “Paxtakor”ga Oltiariqda oson bo'lmaydi. CHunki stadion tribunasi muxlislar bilan to'lib-toshishiga shubha yo'q. Haqiqiy anshlag bo'lishi turgan gap. Ishqibozlarimizning qo'llab-quvvatlashi natijasida ham raqibni mag'lub etishimiz mumkin. Hozirdan “Paxtakor”ga tayyorgarlikni boshlab yubordik.
- Kubokda nimchorak finalda, “Neftchi” bilan o'ynashimizni kutgandik. Lekin ular “Qo'qon-1912”ga qarshi to'p suradigan bo'ldi.
- Bizda yangi jamoa tuzilgan. SHu bois jamoaviy o'yin ham asta-sekin shakllanmoqda. Ko'z tegmasin yigitlar hozir bir-birlarini ancha yaxshi tushunmoqda.
- CHempionatdagi maqsadimiz o'z guruhimizda 1-o'rinni egallash. Kubokda ham har bir o'yinda g'alaba qozonish vazifasi qo'yilgan – deydi Hasanboy Ergashev.
Bosh sahifaga
286