"Dinamo" ertaga 4 soat ichida ikkita o'yin o'tkazadi

Ikki davlat prezidentlarining Dushanbedagi uchrashuvlarida belgilangan bir qator qaror va kelishuvlarning amaliy davomi sifatida Samarqand va Tojikistonning So'g'd viloyati hokimiyatlarining hamkorlik va o'zaro kelishuvlariga muvofiq, Samarqandda ikki viloyat o'rtasida biznes-forum, sanoat mahsulotlari ko'rgazmasi, madaniy dastur va futbol jamoalari o'rtasida o'rtoqlik uchrashuvi o'tkaziladi.

Xususan, 20 aprel, juma kuni Samarqanddagi “Dinamo” stadionida xalqaro o'rtoqlik o'yini tashkil etiladi. Ayni damda stadionda keng ko'lamdagi obodonlashtirish ishlari olib borilmoqda, yangi zamonaviy raqamli tablo o'rnatildi, yoritgichlar, o'rindiqlar yangilanmoqda.

Dasturga ko'ra, stadionda soat 17:00 dan boshlab koncert dasturi boshlanadi, el suygan xonanda va estrada qo'shiqchilari muxlislarni qo'shiqlari bilan xursand etishadi.

Soat 18:00 da esa Samarqandning “Dinamo” hamda Xo'jand shahrining “Xo'jand” klublari o'rtasida o'rtoqlik uchrashuvi boshlanadi.

Ushbu o'yin yakuniga etganidan so'ng, soat 20:00da Samarqandda yangi futbol mavsumining rasmiy ochilish marosimi o'tkazilib, “Dinamo” jamoasi Pro-Liga 3-turi doirasidagi muxlislari qarshisidagi dastlabki rasmiy uchrashuvni Muborakning “Mashal” klubiga qarshi o'tkazadi.

SHu kuni barcha futbol muxlislarini “Dinamo” stadionimizga chorlab qolamiz. Koncert dasturi, “Dinamo” – “Xo'jand” xalqaro o'rtoqlik uchrashuvi, “Dinamo” – “Mashal” chempionat doirasidagi o'yinlariga stadionga kirish barcha uchun bepul qilib belgilangan.

Xalqaro o'rtoqlik uchrashuvi.

20 aprel (juma)
«DINAMO» – «XO'JAND» (Tojikiston, So'g'd viloyati)
Stadion: Camarqand, “Dinamo” stadioni.
Koncert dasturi boshlanishi: 17:00
O'yin boshlanish vaqti: 18:00
 
Pro-Liga. 3-tur.
20 aprel (juma)
«DINAMO» - «MASH'AL»
Stadion: Camarqand, “Dinamo” stadioni.
O'yin boshlanish vaqti: 20:00