Futbolchilar ham o'tgan yilgidek emas. Evropa saytlari tomonidan London klubining bu mavsumda o'tgan yilgidek o'ynay olmayotgan futbolchilari beshligi tuzildi.
5. TIBO KURTUA
O'tgan mavsumda Tibo Kurtua "CHelsi"ning chempion bo'lishida asosiy o'rin tutgandi.
25 yoshli darvozabon bu mavsum o'tgan yilgi qahramonliklarini takrorlamadi va chempionatning boshidan buyon o'rtamiyona o'yin namoyish qildi. Unda muammolar borligi ko'rinib qoldi.
U bu mavsum APLda 32 uchrashuvda maydonga tushib, 12 bora "quruq o'yin" o'tkazdi. O'tgan mavsumda bu natija 16ga teng bo'lgandi.
SHuningdek, Kurtua ECHLda Messidan qanday gollar o'tkazib yuborganini ham bir eslang...
"Marca" Kurtuaning ustidan kuldi FOTO
Biz o'tgan yilgi Kurtuani ko'rmayapmiz.
4. GARI KEXILL
Himoyachi o'tgan mavsumda "CHelsi"ning har bir g'alabasida muhim o'rin tutgandi. O'shanda jamoa himoyasi juda yaxshi o'yin ko'rsatdi va "CHelsi" chempionlikka erishdi.
Biroq u bu mavsumda asosiy tarkibdagi o'rnini yo'qotib qo'ydi. Antonio Ryudiger Kexilldan ko'ra ko'proq ilk daqiqalardan o'ynashni boshladi. Oqibatda u ham Jon Terrining ahvoliga tushib qolmoqda.
O'tgan mavsumda 37 uchrashuvda qatnashgan angliyalik himoyachi bu safar 24 uchrashuvda qatnashdi. Natijalar ham o'tgan yilgidan 20 foizga pastroq.
SHu boisdan ham bu ro'yxatga kirdi.
3. ALVARO MORATA
Mavsum boshlanishidan oldin Morata - "CHelsi"ning katta umidi bo'lgandi. U jamoadan ketgan Diego Kostaning o'rniga "Real"dan xarid qilishdi. Aslida Morata - yaxshi futbolchi, u shunchaki "Stemford" jamoasiga moslasha olmayapti.
Yoki ingliz futboliga mos kelmayapti. Bazi uchrashuvlarda u porlamoqda, ayrimlarida esa rasvo o'ynamoqda. Oddiy misol, kechagi "Bernli"ga qarshi bahs u ko'plab vaziyatlarni yo'qqa chiqardi.
Morata harakatchan o'ynaydi. Ko'p yuguradi, hozircha unga baho berish biroz ertaroqdir, chunki endi u APLdagi debyut mavsumini o'tkazmoqda.
APL. “CHelsi” safarda “Byornli”dan ustun keldi
"CHelsi" muxlislarining hali ham undan umidi katta.
2. PEDRO
"CHelsi" vingeri Pedro bu mavsumda yaxshi o'yin ko'rsata olmayapti. O'tgan mavsumda esa yorqin o'yin namoyish etib, APL chempionligini qo'lga kiritgandi.
30 yoshli futbolchi Kontening o'yin uslubiga mos tushdi. Ammo yuqoridagi jamoadoshlari kabi bu mavsumda yo'qolib qoldi. Asosiy tarkibda ham kamroq ko'rinish bera boshladi.
Uning o'yinlari jamoaning natijalariga tasir bermay qo'ydi. Bu o'tgan mavsumdagi Pedro emas.
Pedroning zarbasi memlarga aylandi (FOTO)
"Barselona" sobiq futbolchisi "CHelsi"ga kerak emasdek bo'lib qolgan.
1. VIKTOR MOZES
"CHelsi" yarim himoyachisi Viktor Mozes eng yomon mavsumlaridan birini o'tkazmoqda. Nigeriyalik futbolchi o'tgan yilgi ajoyib o'yinlarini topa olmayapti.
Mozes "CHelsi"ning deyarli unutilgan futbolchisi bo'lib qolgandi. Konte jamoani o'z qo'liga olganidan keyin 3-4-3 taktikasi shakllana boshladi va unda Mozes asosiy rol ijrochilaridan biri bo'lishi kerak edi. Vaqt o'tib 27 yoshli futbolchi o'ng qanotda to'liqligicha o'ynay boshladi.
Endi esa Konte Zappakostani afzalroq ko'rmoqda. Endi Mozes asosiy tarkibdagi joyini qaytarib olishi uchun harakat qilishi kerak.
Mirjalol Normatov tarjimasi
Bosh sahifaga
204