- O'yin haqida qanday fikrdasiz?
- Uchrashuv oson kechmadi. Biz doim tabiiy maydonda to'p surardik, bugun esa suniiy maydonda o'ynadik. Balki shu boisdir o'yinimiz unchalik ham chiqmadi. Lekin baribir yigitlarga rahmat. 4:1 hisobidagi natijani qo'lga kiritganlari uchun. O'yindan ko'nglim to'lmadi, biroq natija bor. SHuning uchun ham yigitlarga katta rahmat aytaman.
- "Surxon" jamoasining oldiga qanday maqsad qo'yilgan?
- Oldimizga iloji boricha yuqori natijani ko'rsatish qo'yilgan. Superligaga chiqishni vaqt ko'rsatadi. Menimcha bunday o'yin bilan bizga qiyin bo'ladi. Hali futbolchilarning o'zaro bir-birlarini tushinishlari qiyin bo'lyapti. Ozgina vaqt kerak bizga.
- Nukusda yirik hisobda g'alaba qozonishingizni kutganmidingiz?
- G'alaba qozonishga harakat qilamiz deb kelgan edik. CHunki oldimizga shunday vazifa qo'yilgan edi. Suniy maydonda o'ynash bizlar uchun qiyin bo'ldi. Lekin yirik hisobda yutamiz deb o'ylamagan edim.
- "Orol" jamoasidan kimni alohida etirof etgan bo'lardingiz?
- Men "Orol" jamoasining o'yiniga qaramadim. CHunki o'zimning jamoamga ko'proq etibor berdim. Nukusliklardan hech kimni alohida etirof etolmayman. Lekin Navro'z Alimovni yaxshi bilganim uchun, unga alohida etibor qaratdik. CHunki u ikkinchi qavatlarda yaxshi kurashadi, to'p bilan yaxshi muomala qila oladi.
- Farxod Todjievning o'yinidan ko'nglingiz to'ldimi?
- Yo'q. Men hech bir shogirdimning o'yinidan qoniqmadim. CHunki hali ko'p ishlashimiz kerak.
Furqat Yusupov yozib oldi
Bosh sahifaga
125