"Futbolchilarim nihoyat oxirigacha o'ynash kerakligini tushunib etishdi. Jizzaxdagi alamli mag'lubiyatdan so'ng yigitlar ikki taym emas uch taym o'ynash kerakligini tushunishdi. Murabbiylar ko'rsatmasini to'liq bajarishgani uchun rahmat aytaman. Bugungi g'alaba o'sha alamli mag'lubiyatni yuvib yubordi deb o'ylayman.
Nenad Inyacning tezligi past emas. U xuddi Turg'unboev kabi 30 metrni 4 soniyada bosib o'ta oladi. Nenadning maydonda bo'lishi raqiblarga katta bosim beradi. Futbolni tushunmaydigan ayrim mutaxassislar uni tanqid qilishgandi. Mana bugun u klassini ko'rsatdi, "Lokomotiv" bilan o'yinda ham shunday bo'lgandi.
Har bir raqibga qarab futbolchilarni tanlaymiz. Masalan, Mehmonov o'tgan turlarda maydonga tushmagandi. Bugun tushirdim va u gol urdi. Dilshod Jabborov bugungi bahs taktikasiga to'g'ri kelmadi va shu bois tushmadi. Keyingi uchrashuvda kimlar o'ynashini bilmayman.
Klubda paydo bo'lgan ayrim mutaxassislar bu futbolchilar bilan jamoa uzoqqa bormaydi deyishgan. Ammo yangi kelgan mutaxassislar yangilishishadi. Men o'zim yiqqan tarkib bilan faxrlanaman. Nasib qilsa ikkinchi davrani ham shu futbolchilar bilan o'tkazamiz", - deydi Ilhom Mo'minjonov.
"Avvalo hammani yutuq bilan tabriklayman. Bugun bizga g'alaba suv va havo kabi zarur edi. Bizni qo'llab turgan Namangan ahliga katta rahmat aytaman. Futbolga kirib kelishimga sabab dadam. Birinchi murabbiylarim Ilhom Abduqodirov va Xurshid Yuldashev. 15-sonli futbol liceyida o'qiganman", - deydi Azizbek Turg'unboev.
Bosh sahifaga
1222