Va nihoyat, eng kuchli o'ntalikka ham etib keldik. Sayt versiyasiga ko'ra quyidagilar Osiyoning hozirgi kundagi eng kuchli futbolchilari hisoblanadi. Demak, Top-10 bilan tanishamiz.
#10. Rizo Guchannajod (Eron)
Klubi: "Xerenven" (Gollandiya)
Ampluasi: Hujumchi
Yoshi: 30
Futbolchiga tarif: Gollandiya chempionatida to'p surayotgan eronlik hujumchi Rizo Guchannajod ancha kuchli futbolchilardan biri hisoblanadi. U terma jamoada ham ishonchli o'yinlari bilan nom qozongan. U 2016/17 yilgi mavsumda 20ta goli bilan yodda qoldi.
#9. Sardor Azmun (Eron)
Klubi: "Rubin" (Rossiya)
Ampluasi: Hujumchi
Yoshi: 23
Futbolchiga tarif: Sardor Azmun yosh bo'lishiga qaramay, Osiyo yulduzlaridan biri. U Rossiyada, Osiyoda, Osiyo Kubogida, JCH saralash bosqichi hamda Evropa chempionlar ligasida gol urgan. Unga hatto "Liverpul"dan qiziqish bo'lgandi.
#8. Omar Xrbin (Suriya)
Klubi: "Al Hilol" (S.Arabistoni)
Ampluasi: Hujumchi
Yoshi: 24
Futbolchiga tarif: Omar Xrbin uchun ayniqsa o'tgan yil sermahsul keldi. U ham terma jamoa, ham klub miqyosida ko'plab gollar urdi. Uni "Al Hilol" 11,5 million dollar evaziga qo'lga kiritgan. Xrbin 2017 yil Osiyoning eng yaxshi futbolchisi deb topildi.
#7. Metyu Leki (Avstraliya)
Klubi: "Gerta" (Germaniya)
Ampluasi: Hujumchi
Yoshi: 27
Futbolchiga tarif: "Ingolshtadt" safida uch mavsumni o'tkazgan futbolchi hozirda faoliyatini "Gerta"da davom ettirmoqda. U yangi jamoasida yaxshi harakat qilyapti. Leki "Gerta"da dastlabki o'yinidayoq gol urishga muvaffaq bo'ldi va berlinliklar "SHtutgart" ustidan 2:0 hisobida zafar quchishdi.
#6. Umar Abdulrahmon (BAA)
Klubi: "Al Ayn" (BAA)
Ampluasi: Yarim himoyachi
Yoshi: 26
Futbolchiga tarif: Abdulrahmon o'tgan yil Osiyoning eng kuchli 50 futbolchisi ro'yxatida birinchi o'rinni olgandi. Ammo bu safar 6-o'rin nasib etdi. Uning o'yinida ozgina pasayish yuzaga kelgandek, lekin OCHL bahslarida ko'ryapmizki, u hamon bir tekis o'yin namoyish etmoqda.
#5. Mett Rayan (Avstraliya)
Klubi: "Brayton" (Angliya)
Ampluasi: Darvozabon
Yoshi: 26
Futbolchiga tarif: Avstraliyalik darvozabon Evropaga yo'l olgach, avvaliga Belgiyada faoliyat olib bordi, keyin esa Ispaniyaga ko'chib o'tdi. Ammo "Valensiya"da uning ishlari yurishmadi. Natijada yana Belgiyaga qaytishga to'g'ri keldi. Oradan ko'p o'tmay Angliyadan taklif tushdi va u "Brayton" bilan shartnoma imzoladi. Tim Krul bilan o'zaro raqobatda esa engib chiqdi.
#4. SHinji Kagava (Yaponiya)
Klubi: "Borussiya D" (Germaniya)
Ampluasi: Yarim himoyachi
Yoshi: 29
Futbolchiga tarif: MYUda ishlari yurishmagan Kagava yana qadrdon klubiga qaytdi. U yaponiyalik futbolchilar orasida Bundesligada eng ko'p gol urgan. Kagava klub bilan mavsumni yuqori notada yakunlab olgach, bor etiborini jahon chempionatiga qaratmoqchi.
#3. Alirizo Jahonbaxsh (Eron)
Klubi: "AZ Alkmaar" (Gollandiya)
Ampluasi: Hujumchi
Yoshi: 24
Futbolchiga tarif: Evropada muvaffaqiyatli faoliyat olib borayotgan eronlik futbolchilardan biri. 24 yoshli to'purar Gollandiya klubi safida birin-ketin gollar urishda davom etmoqda. U ham jahon chempionatida o'ynaydigan futbolchilardan biri.
#2. Aaron Muy (Avstraliya)
Klubi: "Xaddersfild" (Angliya)
Ampluasi: Yarim himoyachi
Yoshi: 27
Futbolchiga tarif: U Avstraliya chempionatida o'ynab yurgan kezlari Evropaga chiqishni xohlashini aytib o'tgandi. O'shanda futbolchi "Melburn Siti"da o'ynardi. Ko'p o'tmay Aaron Muy "Manchester Siti" bilan shartnoma tuzdi va keyinchalik ijara asosida "Xaddersfild"ga o'tib ketdi.
#1. Son Xyong Min (J.Koreya)
Klubi: "Tottenxem" (Angliya)
Ampluasi: Hujumchi
Yoshi: 25
Futbolchiga tarif: Birinchi o'rinda kim bo'lishi mumkin? Albatta, Xarri Keyn, Dele Alli, Kristian Eriksen kabi yulduzlar bilan elkama-elka to'p surayotgan koreyalik fubolchi. Son - juda kuchli o'yinchi, unda to'satdan "portlash" xususiyati yuqori. Uning jahon chempionatida koreyaliklarga sardorlik qilishi kutilmoqda.
X.Xoliqov tayyorladi.
Bosh sahifaga
105
