Hatto vaziyat shu darajaga borib etganki, klub o'z o'rinbosarlarini zo'rg'a safar o'yinlariga yubormoqda. Malumki, "Nasaf" yoshlari ertaga Olmaliqda AGMK mehmoni bo'lishadi. Avvaliga o'rinbosarlar pul muammosi tufayli safar uchrashuviga bora olmaydi degan xabar chiqqandi.
Biz vaziyatga oydinlik kiritish maqsadida "Nasaf" PFK sport direktori Vitaliy Ni bilan bog'landik. Vitaliy Nikolaevich bu borada shunday dedi:
"Klubimizda chindan ham moliyaviy muammolar borligi quruq gap emas. Hatto o'rinbosarlarni Olmaliqqa qanday yuborish haqida o'ylab qoldik. Ammo hozirgi paytga kelib masala hal bo'ldi va yoshlarimiz AGMK bilan o'yinga borishadi. Men bu haqda yoshlarimiz murabbiyi Zafar Xolmurodov bilan gaplashdim, unga jamoa Olmaliqqa borishini aytdim. Endi bo'lsa futzal jamoamiz masalasini hal qilish qoldi".
"Nasaf" futzal klubi navbatdagi turni 29-30 aprel kunlari safarda "So'g'diyona"ga qarshi o'tkazadi. Endilikda futzalchilarning Jizzaxga borishi so'roq ostida qolgan. Lekin Vitaliy Nining aytishicha, tez orada bu masala ham hal bo'lishi kutilmoqda.
X.Xoliqov.
"Nasaf" sport direktori: "O'rinbosarlarimizning Olmaliqqa borishiga pul topdik, endi futzal masalasi qoldi"
/ Kiritdi: BestMaster O'qilgan: 380
Bosh sahifaga
1943