Kecha“So'g'diyona” stadionida “So'g'diyona” futbolchilari jismoniy holatlarini qay darajada ekanligini aniqlash maqsadida Finlyandiyada ishlab chiqarilgan “Polar” qo'rilmasi yordamida sinov-mashg'ulotlarni o'tkazishdi.
Ushbu qo'rilma mashg'ulotlar davomida futbolchilarning yurak urishini kuzatib borish uchun qo'llaniladi. Bu maxsus apparat O'zbekistonda bir necha yillar davomida qo'llanilib kelinadi. Afsuski, hamma jamoalar ham undan foydalanmaydi. Bu apparatning xususiyatlari shundaki, u murabbiyga mashg'ulot paytida futbolchi qanday pulsda o'ynayotgani haqida aniq malumot beradi. Mashg'ulotlardan so'ng yordamchi murabbiy maxsus apparatdan malumotlarni o'z kompyuteriga yuklab oladi va shu tariqa futbolchi qanday yuklamada harakat qilganini bilib oladi. Natijaga qarab Keyingi mashg'ulotda u futbolchiga individual mashg'ulot rejalashtiradi.
Qisqacha qilib aytganda bu apparat murabbiyga mashg'ulotlarning intensivligini hamda keyingi mashg'ulotlarni qay tartibda rejalashtirish mumkin ekanligi haqida malumot to'plashga yordam beradi. Bu esa futbolchilarning doimo optimal holatda bo'lishlarini taminlashi mumkin. “Bazi murabbiylar bu kabi mashg'ulotlarni olib borishmaydi va ko'pincha ular o'z ichki hissiyotlariga tayanishadi. Bu esa ularga pand berishi mumkin. Bu kabi dachchiklardan murabbiylar foydalanishsa o'yinga futbolchilarni to'g'ri tartibda optimal formaga olib kelish va mashg'ulotlarni to'g'ri rejalashtirish imkonini beradi”-deydi O'FA ilmiy-uslubiy boshqarma boshlig'i SHamil Isaev. Malumot o'rnida aytish joizki, ushbu sinov mashg'ulotlarni O'FA ilmiy-uslubiy boshqarma mutaxassislari kuzatib borishdi va o'z tavsiyalarini berdilar.
Bosh sahifaga
401