O'FA hamda PFL o'z rejalarini shunga moslashtirdi. Biroq keyinroq Eron tomoni uchrashuvni 19 may sanasida o'tkazishni so'radi. Natijada O'zbekiston va Eron o'rtasidagi bellashuvning o'tishi so'roq ostida qoldi.
Ammo O'zbekiston terma jamoalariga javobgar bo'lgan murabbiylar JCH—2018 uchun tayyorgarlik ko'rayotgan jamoaga qarshi o'yinni foydali deb hisoblab kelayotgandi. Mazkur bellashuv ayniqsa Osiyo O'yinlarida ishtirok etishi mumkin bo'lgan futbolchilar uchun navbatdagi maktab vazifasini o'tab berishi mumkin edi.
SHundan kelib chiqib, O'FA terma jamoalarga nisbatan ko'proq futbolchilarini berayotgan Superliga klublari bosh murabbiylari bilan yig'ilish o'tkazdi. Unda “Paxtakor” ustozi SHota Arveladze, “Nasaf” bosh murabbiyi Ro'ziqul Berdiev, “Bunyodkor” etakchisi Mirjalol Qosimov hamda “Navbahor” natijalari uchun javobgar bo'lgan Ilhom Mo'minjonov ishtirok etdi. SHuningdek, yig'ilishda PFL vakillari ham qatnashdi.
Yakunda Eron futbol federaciyasi bilan kelishuv o'z kuchida qoldi. Uchrashuv 19 may sanasiga surilgan bo'lsa-da, O'zbekiston termasi Tehronga boradi. Faqat bunda O'zbekiston termasiga legioner futbolchilar jalb etilmaydi va asosan Osiyo O'yinlarida ishtirok etishi mumkin bo'lgan futbolchilar xizmatidan foydalaniladi.
O'FA Eron milliy terma jamoasining taklifiga ijobiy javob qaytardi
/ Kiritdi: BestMaster O'qilgan: 692
Bosh sahifaga
159