Ushbu turda "Bunyodkor" o'z uyida "Lokomotiv" jamoasiga qarshi bahs olib bordi va 1:2 hisobida imkoniyatni boy berib qo'ydi. Qiziqarli kechgan bahsdan so'ng, "Bunyodkor" jamoasi himoyachisi Anvar G'ofurov o'z fikrlarini bildirib o'tdi.
"Avvalam bor barchaga insof bersin. Maratga ham. U penalti yo'qligi haqida bosh hakamga aytsa bo'lardi. evropa futbolini barchamiz tomosha qilamiz. Bosh hakam kelib germaniyalik futbolchidan so'raganda penalti yo'qligini aytgandi. Agarda biz takroriy vaziyatlarni ko'rish imkoni yo'q bo'lgan asrda yashayotganimizda mayli edi. Hozircha ko'p kameralar bor. Takroriy vaziyatni ko'rsa bo'ladi. Odam sifatida boshqacha qarashni boshlayman. To'g'ri, u o'zini ishini qilyapti, lekin, bu darajada bo'lish kerak emas. Odam odamligicha qolishi kerak.
Hakamlar ham xato qiladi. Bu vaziyatda bosh hakam Axror Risqullaev yon hakamdan borib so'ragani uchun rahmat aytaman. Qanot hakami penalti bo'lgan deb aytdi. Marat Bikmaev penalti bo'lmagan deb aytsa kerak, deb o'ylagandim. Agarda qoida buzulganida gap bo'lishi mumkin emas edi. 100 foiz Marat Bikmaevni oyog'iga teyganim yo'q. Takroriy vaziyatlar bor, bemalol ko'rib chiqish mumkin. Ikkinchi penalti belgilangan vaziyatda Marat Bikmaevning yoniga borib senga nisbatan qo'pollik ishlatmaganimni aytgin degandim. U esa bunday qilmadi", - deydi Anvar G'ofurov
Jahongir Sotvoldiev yozib oldi
Bosh sahifaga
2006