- O'yin biz kutgan scenariy ostida o'tdi. Uchrashuv muxlislarga, murabbiylarga yoqdi, deb o'ylayman. Natija tufayligina bahs "Bunyodkor" bosh murabbiyiga yoqmadi shekilli. Uchrashuv o'z statusiga munosib bo'ldi. CHunki ikkita yaxshi shakllangan jamoalar bugun chiroyli futbol ko'rsatishdi. Qiyin bellashuvdagi muhim g'alabadan to'la qoniqdim. Biz ham, "Bunyodkor" ham etarlicha xavfli vaziyatlar yaratishdi. Yakunda esa omad bizga kulib boqdi. O'tkazib yuborilgan goldan keyin futbolchilar o'zlarida kuch topishdi va irodali g'alabani qo'lga kiritishdi. Ularga faqatgina maqtovli so'zlarni yo'llayman.
Kim bosh murabbiy? Ayni paytda men vaqtincha bosh murabbiy vazifasini bajaryapman. Avvalgi matbuot anjumanida ham bu savolga javob bergandim. Hamma qarorlarni men chiqaraman. SHuningdek, murabbiylar shtabi bilan ham maslahatlashaman. Mirko Yelichichni jamoada ishlayotgani menga hech qanday xalaqit qilayotgani yo'q. Aksincha, uning ko'magi bizga yordam beradi.
Marat Bikmaev: "Ikkita hujumkor jamoa o'rtasidagi bahs haqiqiy shiddatli futbolga aylandi. SHunday o'yinlar ko'p bo'lsa juda katta foyda bo'lardi. Bu kabi bahslar muxlislarga yoqadi. Odatda jamoalar bizga qarshi himoyaviy o'ynaydi, ammo "Bunyodkor" hujumkor o'ynadi. Natijada stadionga kelgan muxlislar ajoyib futbol guvohiga aylanishdi. O'yin shaxsan menga juda yoqdi. "Bunyodkor" ham, biz ham ko'plab vaziyatlar yaratdik. Tablodagi hisob esa to'liq adolatdan.
Ikkinchi penaltida aniq kontakt bo'ldi va "nuqta" haqli ko'rsatildi. To'pni darvozaga tepmoqchi bo'lgan paytim Anvar G'ofurov meni oyog'imga tegdi. Bu vaziyat jarima maydonchasi ichida bo'ldimi yoki tashqaridami, buni bilmadim. Bu vaziyatni faqatgina takroriy lavhada ko'rsam qaerda yiqilganimni bilaman. Men u vaziyatda buni aniq anglolmasdim. Men hech qachon penalti ishlash uchun simulaciya ishlatmaganman. Yoki ko'rgansizmi meni simulaciya qilganimni? Men unday futbolchilar sirasiga kirmayman. Meni bir o'zim penaltini o'ylab topolmasdim.
Bosh sahifaga
237