O'tgan mavsum "Paxtakor" stadionida bo'lib o'tgan 14 uchrashuvga jami 58903 nafar muxlis kelgandi. Bu bir o'yinga o'rtacha 4207 nafardan to'g'ri kelgandi. Eng ko'p tomoshabin "Paxtakor" - "Olmaliq" uchrashuvida kuzatilib, unda 11067 nafar ishqiboz o'yinni stadiondan ko'rgandi.
Bu mavsumdan uchrashuvlar targ'iboti va klub rahbariyatining muxlislar bilan faol ishlashga etibor qaratayotgani natijasida ishqibozlar tashrifi o'sganini ko'rish mumkin. Hozircha uy bellashuvlariga o'rtacha 14121 nafardan muxlis to'g'ri kelmoqda. Bu avvalgi yilga nisbatan tashrif 335 (3,35 baravar) foizga o'sganini ko'rsatadi.
2018 yilgi uchrashuvlarga tashrif buyurgan muxlislar soni bilan tanishing:
15026 "Paxtakor" - "So'g'diyona"
12852 "Paxtakor" - AGMK
15023 "Paxtakor" - "Neftchi"
10241 "Paxtakor" - "Qizilqum"
17465 "Paxtakor" - "Navbahor"
"Paxtakor" futbol klubi bundan keyin ham uchrashuvlar oldidan turli ko'ngilochar dasturlarni tashkil etish, yutuqli o'yinlar o'tkazish, ishqibozlarga stadionda o'zlarini qulay his qilishlari uchun keytering xizmati sifatini yaxshilash va boshqa qulayliklar yaratish ustida ishlashda davom etadi, - deb yozadi "Paxtakor" rasmiy sayti.
Bosh sahifaga
205
