Spaletti "Roma"da ishlaydi, shartnoma kelasi hafta imzolanadi

Malumotlarga ko'ra, mutaxassis bilan 18 oylik shartnoma shartlari kelishib olingan. Tahminlarga ko'ra, 22 dekabr kuni murabbiy bilan bitim tuzilgani haqida rasman elon qilinadi.

SHunday qilib "Jenoa"ga qarshi A Seriyaning 17-tur uchrashuvi Rudi Garsiyaning rimliklar murabbiyi safidagi so'nggi bahsi bo'ladi. Rahbariyat jamoaning joriy mavsumdagi o'yini va natijasidan norozi. Ushbu haftada "bo'rilar" "Speciya"ga qarshi bahsda penaltilar seriyasida imkoniyatni boy berib, Italiya Kubogidan chiqib ketdi.

Spaletti 2005 yildan 2009 yilgacha "Roma"da ishlagan. U boshqargan "Roma" uch marotaba Italiya vice-chempioni bo'lib, Italiya Kubogida 2 marta, mamlakat Superkubogida 1 marta zafar quchgan.