"Dinamo": Murzoev 2015 yilda jamoaning eng yaxshi futbolchisi
/ Kiritdi: BestMaster O'qilgan: 1362
Oliy liga 2015 yilgi mavsumi Dinamo jamoasi uchun omadsiz yakunlangan bo'lsada, klub rasmiy sayti o'z ananasiga binoan muxlislar o'rtasidagi so'rovnomaga ko'ra, jamoaning bu yilgi eng yaxshi futbolchisini aniqladi.
So'nggi bir oy vaqt davomida klub rasmiy saytida Sizningcha, Dinamo jamoasining 2015 yilgi mavsumdagi eng yaxshi futbolchisi kim? so'rovnomasida eng ko'p ovoz jamoa to'purari Kamoliddin Murzoevga ataldi. Ikkinchi davrada Dinamo safiga qo'shilib 13 o'yinda 8 ta gol urgan va 2 ta golli pasga mualliflik qilgan 28 yoshli forvardga 114 ta ovoz (37,1%) berilgan.
Bu borada unga raqobat qilgan futbolchi Ilhom Yunusov bo'ldi. Samarqandlik tajribali yarimhimoyachiga 94 ta ovoz (30,6) berilgan. Uchinchi o'rinda esa markaziy himoyachi Ildar Mamatkazin qayd etildi. Andijonlik himoyachi 26 ta ovoz (8,5) to'plagan.
SHuningdek, so'rovnomada Avaz Agaliev 22 (7,2%), Artyom Filiposyan 15 ta (4,9%) bo'lsa, Dilshod SHarofutdinov, Otabek Zokirov, Akmal Xolmurodovlar ham qisman ovoz olgan. So'rovnomada umumiy 307 ovoz berilgan.
2007 yildan buyon aniqlanib kelinayotgan Dinamoning mavsumdagi eng yaxshi futbolchisi nomiga loyiq ko'rilgan futbolchilar:
2007 yil – Farhod Tojiev
2008 yil – Ilyos Qurbonov
2009 yil – Bahodir Nasimov
2010 yil – Ilhom Yunusov
2011 yil – [Devid Oniya]
2012 yil – Ivan Nagaev
2013 yil – Andrey Melnichuk
2014 yil – Andrey Melnichuk.
2015 yil – Kamoliddin Murzoev.
Bosh sahifaga
1889