"CA" Superligani yangicha formatda yoritadi
Superliganing 9-turi doirasidagi 6 o'yinda jami 12ta gol kiritildi. Faqat markaziy uchrashuv bo'lgan "Lokomotiv" - "Paxtakor" (0:0) bahsida muxlislar gol ko'rishmadi. Qolgan barcha bellashuvlarda stadionga tashrif buyurganlar kamida bittadan gol ko'rishdi. Bu safar ramziy terma jamoani 4-4-2 sxemada tuzdik.
Darvozada "Paxtakor" posboni Eldorbek Suyunov. Suyunov shu kuni Rashidovning 1-bo'limdagi va Bikmaevning 2-bo'limdagi zarbalarini bartaraf etdi. 87-daqiqada Sardor Rashidovning yaqin masofadan birga-bir vaziyatda tepgan to'pidan keyingi seyvi ajoyib chiqdi.
Himoyaning o'ng qanotidan "So'g'diyona" azosi Tohir SHamsiddinov, chap qanotidan esa "Qo'qon-1912" vakili Aleksandr Merzlyakov o'rin oldi.
Markaziy himoyada esa Kaxi Maxaradze va Fayzulla Qambarov juftlik hosil qildi. Toshkent derbisida "Paxtakor"ning juda ko'p hujumlarini aynan Maxaradze to'xtatib qoldi.
Tayanch yarim himoyasiga Darko Gojkovich tanlandi.
CHap qanot vingeri Sardor Azimov, o'ng qanot vingeri esa Artur Gevorkyan. Hujumchi ortidan esa Xurshid Asqaraliev joy oldi.
Hujumchilar sifatida Elguja Grigalashvili va Zabihillo O'rinboev tanlandi. Har ikki forvard o'z gollari bilan jamoalarining g'alabasiga munosib hissa qo'shishdi.
Superliga 9-tur ramziy terma jamoasi
Darvozabon: Eldorbek Suyunov (Paxtakor).
Himoyachilar: Tohir SHamsiddinov (So'g'diyona), Kaxi Maxaradze (Lokomotiv), Fayzulla Qambarov (Qizilqum), Aleksandr Merzlyakov (Qo'qon-1912).
Yarim himoyachilar: Darko Goshkovich (Qo'qon-1912), Artur Gevorkyan (Qizilqum), Sardor Azimov (So'g'diyona), Xurshid Asqaraliev (Neftchi).
Hujumchilar: Elguja Grigalashvili (Qizilqum), Zabihillo O'rinboev (Metallurg)
Bosh sahifaga
687