Mana shu bayonotda jamoaning so'nggi vaqtlardagi muvaffaqiyatsizliklarining sabablari va muxlislarni stadionga chorlash, jamoani qo'llab-quvvatlashga undalgan.
Ammo ushbu bayonot bir qator sport saytlarida umuman noto'g'ri talqin qilingan. (aynan qaysi sayt ekanligi barchaga yaxshi malum. Balki klub saytga rasmiy raddiya qaytarishni, shu orqali o'zini reklama qilishni istagandir. Afsus, ularni istagini amalga oshira olmaymiz)
Emishki, "Neftchi" jamoasining 2018-yilgi omadsiz natijalarida jamoa ishqibozlari aybdor ekan. Ha, aynan klub bayonot berish orqali mag'lubiyatlarda o'z muxlislarini sabab qilib ko'rsatgani uchun qoralangan.
Lekin klub bayonotining hech bir jumlasida Superligidagi omadsizliklarda MUXLISLAR AYBDOR degan jumla mavjud emas. Fikrimizga qo'shilmaganlarga esa, bayonotni qayta o'qib chiqishni tavsiya qilamiz. Aksincha, klub o'zining jonkuyar va sodiq muxlislariga shunday qiyin pallalarda xam futbolchilarni qo'llab quvvatlab turganligi uchun tashakkur izxor qilgan xolda, bazi bir muxlislarga o'yinlar chog'ida jamoa futbolchilariga turli-xil xayqiriq hamda so'kishlar bilan bosim qilmaslikni, va ishonch bildirishga chorlagan xolos. Balkim bir oz tanbex xam bergan, lekin bu jamoa mag'lubiyatida muxlis aybdor degan narsa emas!
Klub bayonotini noto'g'ri talqin qilgan sayt ijodkorlari jamoa va muxlislar o'rtasida norozilik kayfiyatini keltirib chiqarishi mumkin edi. Ammo klubimiz muxlislari o'z jamoasiga ishonadi va vaziyatni noto'g'ri muhokama qilgan sayt xabariga hatto etibor ham qilishmaydi.
Aslini olganda, saytning asl maqsadi klub va muxlislar o'rtasida murosasizlik oqibatida janjal keltirib chiqarish niyati bo'lgan bo'lsa ajab emas. Lekin sayt chiqargan maqola sarlavhasi kishini kuldirishdan boshqasiga yaramaydi.
So'nggi so'z o'rnida yuqoridagi "aqlli" sayt xodimlariga jamoaning so'nggi bayonotini noto'g'ri talqin etganligi, O'zbekiston Respublikasi qonunlarida nazarda tutilgan intelektual mulk xuquqlarining buzilishi, yani tayyor materialni muxlislar va jamoa o'rtasida nizo keltirib chiqaruvchi xolatga keltirish va noto'g'ri talqin qilinganligi uchun javobgarlik mavjud ekanligi xaqida eslatib o'tamiz!
Jonkuyar muxlislarimizdan esa ushbu xolat uchun uzr so'raymiz!
Bosh sahifaga
171