Bu haqda O'FA matbuot xizmati xabar berdi.
SHu yilning 5 aprel kuni PFL bosh direktori Omon G'ofurov Madridda LaLiga qarorgohida bo'lib, tashkilot bosh direktori Xaver Gomes bilan uchrashgani haqida avval xabar berib o'tgandik.
Uchrashuv davomida La liga bosh direktori o'zbek futboli rivojiga hissa qo'shishga, mutaxassislarni O'zbekistonga yuborib, turli seminarlar tashkil qilish va tajribalari bilan o'rtoqlashishga tayyor ekanini malum qilgan va ikki tomonlama hamkorlik bo'yicha memorandum imzolangandi.
Ana shu memorandumga asosan, joriy yilning 25-26 may kunlari La Liga mutaxasislari O'zbekistonga tashrif buyurishadi. Jumladan, La Liganing “Osiyo davlatlari bilan aloqalar” bo'limi boshlig'i Xais Raxmani va o'z vaqtida Ispaniyaning “Elche” klubida darvozabon sifatida to'p surgan, hozirda La Liganing “Musobaqalar va turnirlar tashkil qilish” bo'limi boshlig'i Raul Oxedalar O'zbekiston futbol Associaciyasi va Professional futbol ligasi vakillari va milliy chempionatimizda ishtirok etayotgan klublar xodimlari uchun 2 kunlik seminar o'tkazishadi.
Seminarda milliy chempionat o'yinlarini tashkil qilishda ahamiyat qaratish kerak bo'lgan jihatlar, marketing masalalari, homiylar bilan ishlash, muxlislarni stadionlarga jalb qilish kabi mavzularda fikr almashilinadi.
Bosh sahifaga
221
