"Futbolning yozilmagan qonuni bor - sen urmasang senga urishadi. Raqib jamoa birinchi golini kiritgunga qadar biz 100 foizlik vaziyatdan foydalana bilmadik. Keyinchalik ilk gol urildi va biz penaltidan unumli foydalanishni uddalamadik. Ozgina omadimiz kelganida natija biz tomonda bo'lardi. Birinchi bo'limda bizda ham ko'plab vaziyatlar bo'ldi. Ikkinchi bo'limda esa aksincha holat kuzatildi. Biz raqibdan vaziyatlardan foydalana olmaslik borasida ojizlik qildik.
Ha, jamoaning katta qismi yoshlardan iborat. Bizning moliyaviy holatimiz yuqori darajada emas va shu sababli ham tajribali futbolchilarni olib kela olmaymiz.
"Nurafshon" mavsumni bemalol ko'tarinki kayfiyatda yakunlay oladi. Jamoani kuchli murabbiylar shtabi boshqarmoqda. Ular qanday ishlash kerakligini bilishadi.
Tushunmayman, nega "A" guruhi ham Pro-liga, "B" guruhi ham Pro-liga? Axir ikki guruhning statusi boshqacharoq-ku. "A" guruhi autsayderlari "B" guruhga tushib ketadi. "A" guruhining etakchilari esa Superligaga chiqishadi. Undan ko'ra, "A" guruhini Pro-liga, "B" guruhini birinchi liga deb atash kerak edi. Vaholanki, "A" guruhining barcha jamoalari ham infratuzilmasi yuqori saviyada emas va Superliga vazifasini qo'ymagan", - dedi Salim Zokirov.
Mirjalol Normatov suhbatlashdi
Bosh sahifaga
362