- "Iftixor"ga qarshi kechgan o'yin haqida fikrlaringiz...
- Birinchi taymda yaxshi o'ynadik, ikkinchi taymda esa to'pni ko'p yo'qotdik. So'nggi daqiqalarda xato qildik va gol o'tkazib mag'lub bo'ldik. O'yin borasida yutqazmayapmiz, ammo natija borasida hozircha barcha o'yinlarda mag'lub bo'ldik.
- "Lokomotiv-BFK"ning maqsadi qanday?
- Maqsadimiz PRO-Ligada o'z o'rniga ega bo'lish. O'z tarbiyalanuvchilarimizni etishtirib chiqarish. Tarkibni bu yil 90 foizga yangiladik, hozirgi paytda jamoamizda yosh futbolchilar juda ko'pchilikni tashkil qiladi. Rahbariyat bizga ishonadi, ikkinchi davrada bundan yaxshiroq o'ynaymiz deb o'ylayman.
- Dastlabki 5ta turdan so'ng ochko jamg'arilmaganligini qanday izohlaysiz?
- Qo'llarni tushirmaymiz. Murabbiylar hech qachon taslim bo'lmaydi. Bugun so'nggi daqiqalarda mag'lub bo'ldik, futbolchilarimiz kiyinish xonasida yig'lab o'tirishibdi, chunki ularning ko'pi hali yosh bolalar. Qo'llarni tushirish kerak emas. Rahbariyat hech qanday bosim qilmayapti, aksincha qo'llab-quvvatlamoqda. Hozir musobaqa jadvaliga qarash kerak emas, kuzda PRO-ligada 5-6-o'rinlarda bo'lamiz deb umid qilaman. Rahbariyat bu borada bizga ishonadi", - deydi Leonid Senkevich.
Bekzod Tolibov suhbatlashdi
Bosh sahifaga
1981